1212, du 25 mars au 31 octobre. — Paris.
Philippe Auguste notifie que l'abbé et le couvent de Sainte-Geneviève de Paris ont donné à son chambellan Pierre Tristan un bois entre la Ferté-Milon et Marizy, pour l'essarter, mais en se réservant la dîme, le cens, le droit de pâture et celui d'y fonder un village.
A. Original perdu.
B. Copie, formules abrégées, du xiiie s., Registre E de Philippe Auguste, fol. 246 v°.
C. Copie du xiiie s., Registre F de Philippe Auguste, fol. 202 v°, d'après B.
D. Copie du xviie s., Bibliothèque nationale, collection Baluze, vol. 65, fol. 316, d'après B.
Indiqué : Cartellieri, Philipp II August, t. IV, p. 467.
Carta Petri Tristan alia.
Philippus etc. Noverint etc. quod dilecti et fideles nostri abbas et conventus Sancte Genovefe Parisiensis, communi voluntate et assensu, concesserunt et donaverunt Petro Tristan cambellano nostro et heredibus suis in perpetuum, nemus suum quod est inter Firmitatem Milonis et Marisiacum, ad sartandum, ita quod dicti canonici inde habebunt decimam et, pro singulis arpentis ad arpentos Beregniaci, habebunt idem canonici sex denarios parisiensis monete censuales reddendos singulis annis in festo sancti Remigii ; ibi autem, non potest instituere dictus Petrus nec heredes sui villam nec hospites, nec etiam in tota terra quam ipse tenet de dictis canonicis ; siquidem idem canonici et hospites eorum talem habent societatem ad dictum Petrum quod animalia Petri et animalia canonicorum et hospitum suorum venire possunt communiter ad pascendum tam in terra Petri quam in terra canonicorum, quia pastura erit communis. Quod ut perpetuum robur obtineat, sigilli nostri auctorita(t)e et regii nominis karactere inferius annotato, ad petitionem ipsorum, presentem paginam confirmamus. Actum Parisius, anno Incarnationis dominice M° CC° duodecimo, regni vero nostri anno tricesimo tercio.