1212, du 25 mars au 31 octobre. — Saint-Germain-en-Laye.
Philippe Auguste confirme à l'Hôpital la terre de Louvières, vendue et aumônée par Gautier de Louvières et Raoul son neveu, avec le consentement de Guillaume des Essarts, Gascon son neveu, Guillaume d'Ambleville et Simon de Jambville, seigneurs desquels mouvait cette terre.
A. Original scellé en cire verte sur lacs de soie verte et rouge. Hauteur, 261 mm. ; largeur, 264 mm. Archives nationales, S 5135, n° 5 (ancien S 5710).
a. Delaville Le Roulx, Cartulaire général de l'ordre des Hospitaliers, t. II, p. 149, n° 1396, d'après A.
Indiqué : Mannier, Commanderies du grand prieuré de France, p. 105, d'après A.
In nomine sancte et individue Trinitatis. Amen. Ph[ilippus] Dei gratia Francorum rex. Noverint universi presentes pariter et futuri quod Galterus de Loveriis et Radulfus nepos ejus vendiderunt et elemosinaverunt domui Hospitalis totam terram de Loveriis que pertinet ad feodum de Amblevilla et feodum de Giervilla, sicuti illud tenebant, et hoc fiduciaverunt et otreaverunt Guillermus miles de Exsartis et Gasco nepos ejus et Guillermus de Amblevilla et Simon de Jambevilla, de quorum feodo terra illa movebat. Sciendum tamen est quod predictus Guillermus de Exsartis retinuit sibi molendinum et vivarium suum, sicut se porportat (sic) usque ad biez, quod fecit pro rumpendo vivario, et talis condicio facta fuit inter predictum Guillermum et fratres Hospitalis quod ipsi non possunt piscari a molendino predicti Guillermi usque ad rivum qui venit de Genesvilla, nec ibi poterunt facere molendinum nec villam in terra de Loveriis. Sciendum est preterea quod Herbertus de Giervilla feodum de Giervilla quod Galterus de Loveriis miles fratribus Hospitalis in parte vendidit et in parte elemosinavit, eisdem fratribus imperpetuum quitavit et concessit tenendum, sicut Robertus de Loveriis, pater ejusdem Galteri, illud tenebat de patre dicti Herberti. Predicti vero fratres inde reddent prefato Herberto singulis annis viginti solidos in festo sancti Dyonisii in octobri. Dictus vero Herbertus et mater ejus et fratres sui et sorores ejus omnia jura et quidquid habebant et clamabant in feodo predicto dictis fratribus Hospitalis imperpetuum quitaverunt et concesserunt, neque dictus Herbertus vel heredes ejus in feodo jam dicto aliquid juris poterunt de cetero clamare, preterquam dictos viginti solidos, qui nisi in festo sancti Dyonisii redderentur, fratres Hospitalis id emendarent per legem et consuetudinem patrie, neque predictus Herbertus aut heredes ejus aliam justiciam in hoc poterunt clamare. Sepedictus autem Herbertus, mater et fratres et sorores ejus in manu dilecti et fidelis nostri Guidonis de Rupe id tenendum fiduciaverunt, et quia predicta feoda de dicto Guidone movebant, ad preces et peticionem dicti Guidonis et aliorum supradictorum, sepedictam venditionem et elemosinam volumus et ratam habemus, et in hujus rei testimonium, sigilli nostri auctoritate et regii nominis caractere inferius annotato presentem paginam confirmamus. Actum apud Sanctum Germanum in Loya, anno Incarnationis dominice M° CC° duodecimo, regni vero anno tricesimo tercio, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Droconis constabularii. Data vacante cancellaria (Monogramme).