1208, juillet. — Creil.
Philippe Auguste, à la suite de l'achat par le prieur et les chapelains de Saint-Maurice de Senlis, d'une pièce de bois située à Percebout, entre Senlis et Pont-Sainte-Maxence, leur abandonne tous les droits qu'il pouvait avoir sur ce bois, sauf la haute et basse justice et le droit de garenne.
A. Original perdu.
B. Copie du xive s., Cartulaire du prieuré de Saint-Maurice de Senlis, Bibliothèque nationale de France, nouv. acq. lat. 1933, p. 54.
B. Copie du xviiie s., d'après un vidimus d'Hector de Chartres, maître des eaux et forêts du roi, du 28 avril 1400, Archives nationales, K 189, n° 86 (dossier Saint-Maurice de Senlis, pièce 1), fol. 4.
Philippus Dei gratia Francorum rex. Notum facimus universis tam presentibus quam futuris quod, cum religiosi viri dilecti capellani nostri prior et canonici capelle nostre Sancti Mauricii Silvanectensis, ordinis sancti Augustini, acquisiverint in feodis nostris, a Collaudo de Ponte Sancte Maxencie, unam petiam bosci situatam in bosco vulgariter appellato Percebom, contiguam boscis predictorum religiosorum ex una parte, et foreste nostre de Montehalitois ex altera, et boscis Sancti Vincentii Silvanectensis et magno chemino per quem itur de Silvanecto apud Pontem Sancte Maxencie et de Ponte apud Silvanectum ex altera, sexaginta duodecim arpenta bosci vel circiter continentem, nos, Dei amoris intuitu, memoratis religiosis, in ampliationem et augmentationem reddituum suorum, donamus et concedimus in puram et perpetuam elemosinam quicquid in eadem petia bosci, ratione dangerii et juris nostri cujuscumque habebamus et habere poteramus et debebamus, retentis nobis et nostris successoribus omnimoda alta et bassa justitia cum garenna, volentes et concedentes quod iidem religiosi cappellani nostri, pro se et ecclesia sua predicta, fundum cum fructibus, exitibus et proventibus dicti bosci habere et tenere possint et perpetuo possidere pacifice et quiete, sine coactione vendendi vel extra manum suam ponendi, salvo tamen in aliis jure nostro et jure etiam quolibet alieno. Quod ut ratum et stabile permaneat in futurum, presentibus litteris nostrum fecimus apponi sigillum. Actum apud Credolium, anno Domini millesimo ducentesimo octavo, mense julio, per regem.