1212, [juillet]. — Melun.
Philippe Auguste confirme l'accord conclu entre Bouchard et Mathieu de Marly et leurs épouses Mathilde et Mabille, d'une part, et le chapitre de Notre-Dame de Chartres d'autre part, au sujet d'un droit de voirie que lesdits seigneurs prétendaient avoir, du chef de leurs femmes, sur les terres du chapitre, et qui avait été affermé au chapitre par Hugues de Gallardon, ancêtre desdites dames, pour une rente annuelle de quinze livres de monnaie de Chartres ; Bouchard, Mathieu et leurs épouses, sur la médiation et avec la garantie du roi, ont renoncé à ce droit et ont obtenu de leurs enfants la même renonciation.
A. Original jadis scellé sur lacs de soie verte, jaune et rose. Hauteur, 297 mm. ; largeur 250 mm. Archives départementales d'Eure-et-Loir, G 1090.
B. Copie du xiiie s., Livre 1 des Privilèges de l'église de Chartres, Bibliothèque nationale, ms. lat. 10094, p. 130.
C. Copie du xiiie s., Livre 2 des Privilèges de l'église de Chartres, Bibliothèque nationale, ms. 10095, fol. 60.
Indiqué : Cartellieri, Philipp II August, t. IV, p. 484.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod cum inter Bochardum dominum Marliaci et Matheum, fratres, et Matyldim et Mabyliam uxores eorumdem fratrum, ex una parte, et capitulum Beate Marie Carnotensis ex altera, contentio haberetur super jure viarie quod in terra dicti capituli duo predicti fratres ex parte uxorum suarum se habere dicebant, asserente capitulo quod defunctus Hugo quondam dominus Galar[donis], antecessor predictarum Matyldis et Mabylie uxorum predictorum fratrum, eidem capitulo remiserat penitus et quitaverat in perpetuum totum jus illius viarie sub firma quindecim librarum carnotensium sibi et heredibus suis post eum annuatim, certis ac statutis terminis, solvendarum, cujus firme medietas cum ad dictos fratres per predictas uxores suas ab eodem Hugone dirivata esset, nichil amplius sibi poterant in terra capituli pro eadem viaria vendicare, sicut idem capitulum asserebat, tandem, nobis mediantibus, in hanc formam pacis convenerunt utrinque quod quitationem perpetuam dicte viarie quam sibi factam a jamdicto Hugone antecessore predictarum mulierum, memoratum capitulum asserebat, idem fratres et eedem uxores sue ratam habuerunt et concesserunt absolute, in tota ipsius capituli terra nichil prorsus viarie retinentes. Dictus etiam Buchardus et Matyldis uxor ipsius procuraverunt quod Theobaldus, Petrus, Matheus et Buchardus filii sui predicte concessioni et quitationi dictorum fratrum et uxorum suarum suum expresse prebuerunt assensum et viariam illam totam similiter quittaverunt capitulo Carnotensi. Et ut hec etiam quittatio firmior haberetur, sepedicti fratres et uxores sue super eadem quitatione fideliter observanda nos eidem capitulo in plegium assignarunt et heredes nostros similiter, nobis etiam et heredibus nostris in contraplegium concedentes et obligantes quicquid de feodo nostro tunc tenebant. Et nos, ad petitionem ipsorum, ipsi capitulo premissam quitationem nos garandaturos promisimus et manucepimus. Statuimus etiam heredes nostros obligatos haberi dicto capitulo super eadem garandia prestanda. Et ut hec perpetue stabilitatis robur optineant, presentem paginam sigilli nostri auctoritate et regii nominis karactere inferius annotato, ad petitionem partium, confirmamus. Actum publice apud Meledunum, anno Domini M° CC° duodecimo, regni vero nostri anno tricesimo tercio, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Droconis constabularii. Data vacante (Monogramme) cancellaria.