1212, du 1er novembre, au 13 avril 1213. — Paris.
Philippe Auguste notifie que Simon de Poissy lui a abandonné tout son droit sur les ventes de la forêt de Laye, ainsi que divers droits qu'il y possédait ; en échange, le roi lui a donné en augmentation de fief tout le bois et la terre de Cruye ; il définit les obligations de Simon et les droits qu'il conserve sur la forêt de Laye, ainsi que les servitudes du bois de Cruye.
A. Original perdu.
B. Copie, formules abrégées, du xiiie s., Registre E de Philippe Auguste, fol. 228.
C. Copie du xiiie s., Registre F de Philippe Auguste, fol. 184 v°, d'après B.
D. Copie du 23 mai 1380, Archives municipales d'Achères.
E. Copie authentique du xviiie s., Archives nationales, K 166 A, n° 56, d'après A.
a. Choppin, Du domaine, éd. de 1613, p. 525 (fragment).
b. Traduction française partielle dans R. Bélis, Achères au fil des siècles, Achères, 1982, p. 52.
Texte établi d'après BEa.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod dilectus et fidelis noster Symon de Pissiaco, miles, nobis et heredibus nostris in perpetuum quittavit omne jus et quicquid habebat in venditione foreste Laye, ita quod ipse nec heres ejus aliquid juris de cetero poterunt reclamare in dicte foreste venditione ; preterea, quittat nobis et heredibus nostris in perpetuum omnem chaciam et bestiam mortuam ejusdem foreste. Nos vero, in hujus rei excambium et recompensationem et in augmentum feodi quod de nobis tenet, eidem Symoni et heredibus ejus damus et concedimus in perpetuum totum nemus, cum terra tota, quod habebamus in Cruya, et quicquid in eo habebamus et sicut illud possidebamus, videlicet a metis terre dilecti et fidelis nostri B. de Roya usque ad stagna R. comitis Drocarum et usque ad muros parci ejusdem comitis et usque ad terras arabiles circum adjacentes et sicut cheminum Chamborciaci comportat usque ad metas terre domini Bartholomei et per deversus Beitemont usque ad boscos militum. Dictus vero Symon forestam nostram predictam custodire debet cum tribus servientibus suis, et nos etiam servientes nostros ponemus ad eandem forestam custodiendam. Si vero ipse aut servientes sui invenerint forisfactum aliquod in predicta foresta sine servientibus nostris, forisfactum suum erit ; similiter autem, si servientes nostri invenerint forisfactum absque servientibus suis, forisfactum nostrum erit, et si servientes nostri forisfactum invenerint cum servientibus ejusdem Symonis, servientes nostri possunt finem facere de forisfacto et ipse inde habebit medietatem, neque servientes nostri possunt penitus quittare forisfactum sine assensu ejusdem Symonis vel servientum suorum. Predictus autem Symon retinet in jamdicta foresta mortuum nemus ad ardendum ad opus furni et hominum suorum de Acheriis, sicut illud a viginti annis usque nunc habuerunt ; retinet etiam sibi et heredibus suis in eadem foresta quercum mortuam ad ardendum, sine vendere et sine donare, sicut illam debet habere et sicut antecessores sui illam semper habuerunt, et poterit eandem quercum mortuam ducere in domum suam de Acrimonte vel de Pissiaco, in quacumque earum manebit ; retinet preterea sibi et heredibus suis in sepedicta foresta medietatem redditus herbagii, sicut ipse et antecessores sui illum semper habuerunt. Excambium autem quod nos predicto Symoni et heredibus ejus damus et concedimus pro quitatione griarie foreste predicte Laye et pro quittatione supradictorum, in augmentum feodi quod de nobis tenet, libere et quiete in perpetuum tenebit, sicut predictum est, excepto quod dilectus et fidelis noster Robertus de Pissiaco in eodem nemore poterit venari et quod idem Symon non poterit illud exartare sine dicti Roberti licentia et assensu, sicut id fecimus inquiri per legitimos milites parrochie. Si vero dictus Robertus vel alius plus juris vellent in predicto excambio clamare, nos dictum Symonem super hoc faceremus in pace manere et dictum excambium pacifice possidere. Quod ut perpetuum robur obtineat, sigilli nostri auctoritate et regii nominis karactere inferius annotato presentem paginam roboramus. Actum Parisius, anno dominice Incarnationis M° CC° XII°, regni vero nostri anno tricesimo quarto, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Droconis constabularii. Data vacante (Monogramme) cancellaria.