1213, du 1er au 13 avril (n. st.). — Paris.
Philippe Auguste confirme, à sa demande, la charte par laquelle Ours, chambrier du roi, a donné son accord à la vente de droits de cens et d'avalage, faite à Saint-Denis par Hugue de Dugny, avec l'assentiment d'Ours, chambrier du roi, seigneur d'une partie des biens concédés, de sa femme Leticia, nièce dudit Hugue, des enfants de celle-ci et des neveux d'Hugue.
A. Original perdu.
B. Copie du xiiie s., Cartulaire blanc de Saint-Denis, Archives nationales, LL 1157, p. 428.
C. Copie du xiiie s., Cartulaire de l'abbaye de Saint-Denis dit « de Thou », Bibliothèque nationale de France, lat. 5415, p. 360.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod Ursio, camerarius noster, voluit benigne, penitus quitavit et concessit venditionem illam quam Hugo de Dugniaco, avunculus uxoris sue, fecit ecclesie Beati Dyonisii, scilicet quatuor libras census et amplius quem in villa Beati Dyonisii et extra villam habebat, quem etiam a Beato Dyonisio in feodum tenebat, preterea obolum avalagii et quicquid in avalagio aque Beati Dyonisii habebat, tam in doliis quam rebus aliis ; et quia predictus Hugo ipsum avalagium de Ursione tenebat et ipse Ursio de ecclesia Beati Dyonisii tenebat illud similiter, assensu et voluntate uxoris sue Leticie et heredum suorum, assensu etiam nepotum dicti Hugonis, scilicet Petri et Hugonis Malet qui presentes fuerunt, predictus Ursio litteras suas patentes inde scribi et sigillo suo sigillari fecit et nos rogavit ut venditionem istam secundum cartam suam confirmaremus. Quod ut perpetuum robur obtineat, sigilli nostri auctoritate et regii nominis karactere inferius annotato, ad petitionem predictorum Ursionis scilicet, camerarii nostri, et Hugonis de Dugniaco, presentem paginam, salvo jure nostro, confirmamus. Actum Parisius, anno Incarnationis dominice M° CC° duodecimo, regni vero nostri anno XXX° quarto, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Droconis constabularii. Data vacante (Monogramme) cancellaria.