1213 [mars ?]. — Pont-de-l'Arche.
Philippe Auguste confirme les droits et exemptions dont jouissent les religieux de Grandmont du prieuré du Parc, à Rouen, pour leurs biens, leurs droits d'usage, une rente de deux cents livres, et les droits sur plusieurs bourgeois et hommes libres, qui leur ont été concédés par Henri II, roi d'Angleterre.
A. Original perdu.
B. Vidimus partiellement figuré, par Philippe VI, de septembre 1344, Archives de la Seine-Maritime, D 228, d'après A.
C. Copie du xive s., Archives nationales, JJ 75, fol. 36 v°, n° 68, d'après B.
D. Copie du xive s. d'un vidimus par Charles V, d'octobre 1369, Archives nationales, JJ 100, n° 123, fol. 41.
E. Copie du xive s. d'un vidimus par Charles VI, de juin 1383, Archives nationales, JJ 122, n° 374, fol. 180, d'après D.
F. Copie du xviiie s., Bibliothèque nationale, ms. lat. 9067 (ancien Supplément latin 1412), fol. 68 (ancien 62) v°, d'après B.
a. L. Delisle, Cartulaire normand, p. 35, n° 224, d'après C et E.
Texte établi d'après BD.
In nomine sancte et individue Trinitatis. Amen. Philippus Dei gratia rex Francorum. Noverint universi quod nos, pro salute anime nostre et pro stabilitate regni nostri, confirmamus Deo et fratribus ordinis Grandimontis in Parco juxta Rothomagum habitantibus totum parchum et totum nemus cum fundo terre in quo habitant, liberum et quietum, sicut exteriorum fossatorum clausura que est juxta regiam semitam circumquaque demonstrat per circuitum, ad utendum modis omnibus quibuscumque uti voluerint pro sua voluntate, cum omnimoda justitia et jurisdictione. Confirmamus etiam fratribus antedictis ducentas libras andegavensium in vicecomitatu nostro de Rothomago, annuatim ab ipsis fratribus percipiendas libere et quiete, videlicet centum libras in Pascha et centum libras in festo sancti Michaelis, sine contradictione, et plenum usagium in tota foresta nostra de Rovareio ad edificandum domos, quascumque domos edificare voluerint infra parcum memoratum et extra, et ad calefaciendum et ad faciendum naves et batellos et ea omnia que dicte domui fuerint necessaria et animalibus suis, cujuscumque generis sint, et totam vachariam que est subtus le Molinel juxta Secanam, liberam et quietam, cum omni jure et dominio, et duos burgenses in civitate Rothomagensi liberos successive, et in singulis villis prope dictam domum de Parco existentibus unum hominem successive de mediocribus, per obtionem suam, liberum et quietum, et omnes illas litteras et eleemosinas et libertates que a predecessoribus nostris quocumque modo eisdem fratribus sunt collate vel ab aliis personis, volentes sicut voluerunt predecessores nostri et firmiter precipientes ut predicti fratres cum tota familia sua et omnes homines ipsorum presentes et futuri sint liberi et quieti per totam terram nostram quam habemus et quam nos habere contigerit, ab omnibus emptionibus et venditionibus et omnibus occasionibus, emendis et forisfactis, et ab omnibus consuetudinibus, prout in litteris bone memorie regis Henrici plenius continetur. Et ut premissa omnia robur perpetuum obtineant, sigilli nostri auctoritate et regii nominis karactere inferius annotato presentem paginam confirmamus. Actum apud Pontem Archie, anno dominice Incarnationis M° CC° duodecimo, [regni] vero nostri anno tricesimo quarto, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Droconis constabularii. Data vacante (Monogramme) cancellaria.