1213, 4 avril. — Soissons.
Acte faux
Philippe Auguste accorde à Alain de Goué, châtelain d'Avranches, en récompense des deux victoires que, d'après le témoignage du comte de Saint-Pol, il a remportées sur les Anglais, le droit d'ajouter à son blason une fleur de lis en chef et deux sirènes pour tenants, et lui donne la châtellenie de Domfront.
A. Prétendu original, scellé en cire verte sur lacs de soie rouge et bleue, selon B, perdu.
B. Copie notariée et collationnée sur l'original, du 19 août 1662, Bibliothèque nationale, ms. fr. 32633, p. 34.
a. E. Laurain, La croisade mayennaise de 1158. Histoire d'une légende, extrait du Bulletin historique et philologique du CTHS, 1912, p. 52, d'après B.
b. E. Laurain, Les croisés de Mayenne et le chartrier de Goué, Laval, 1912, Pièces justificatives, n° XXV, p. 184, d'après B.
Philippus Dei gratia Francorum rex. Regie celsitudinis et magnificentie nostre decorum est virtutem nobilium virorum et strenuorum militum presertim hujus regni nostri precellentibus honoribus et dignitatibus pensare et exinde ad majora perficienda et regno nostro reique publice utiliora persequenda magis ac magis fortius insudant. Notum igitur esse volumus universis tam presentibus quam futuris quod nos, bona recentique memoria recolentes obedientie promptitudinem, obsequii celeritatem fideliaque servitia que charus et fidelis noster Alanus de Goeo, miles, Abrincensis urbis et castri castellaneus noster, nobis et reipublice indefessa asiduitate exhibuit, tum scilicet in mari cum ad ora Britannie, cum quinque navibus nostris quibus preerat, Anglos hostes regni nostri profligavit, tum nuper ad rocam que dicitur Querplicium, hoc vidente charissimo nostro Galtero comite Sancti Pauli, et in multis aliis periculosis occursibus in quibus semper audaci animo se gessit, propter que et alia ejus condigna merita et propter fidelia servitia que nobis et nostris successoribus in posterum inpendet, ex nostra regali munificentia et per tenorem presentium, tunc et in perpetuum concedimus et volumus ut caput ejus scuti armelialis uno liliorum nostrorum flore insigniatur et extollatur, ejusque dicti scuti suspendamentum duabus sirenis, ad perpetuam rei navalis strenue effecte memoriam, vice gallorum subfultiatur, dictoque Alano militi Donofrontis castri prefecturam et arcis ejus custodiam donamus et concedimus, supradictarumque rerum dignitate, prerogativa et emolumentis ipsum gaudere volumus et potiri, volentes ac decernentes ut Donofrontis urbis et castri aliique justitiarii officiariique nostri et etiam milites qui ibi sunt ceterique homines et vacelli totius dicte terre Donofrontis ipsum Alanum de Goeo recipiant et ipsi obedient (sic), talemque auctoritatem et preceptum illi concedimus qualem super eos habere videmur, salvo tamen jure nostro. Quocirca, dilectis et fidelibus nostris officiariis, ducibus, baliviis, castellaneis, centurionibus et eorum loca tenentibus, et militibus et hominibus et eorum cuilibet, prout ad eum pertinuerit, tenore presentium damus in mandatis ut, presentibus visis litteris et earum contento, dicto Alano de Goeo, militi, omnem opem ferant et eum adjuvant, ipsumque hac nostra concessione et dono frui faciant sine contradictione quacumque. Quod ut fixum et stabile perpetuo perseveret, presentibus nostrum fecimus apponi sigillum. Datum apud Suessionem, quarta die mensis aprilis, anno Domini millesimo ducentesimo decimo tertio, regni nostri trigesimo tertio. Signatum per regem. Dom. Roberto comite Drocarum et Perticii, Hugone conestabulo, Roberto comite Alenconii qui venerat ad regem ex precepto regis Anglie, Galtero comite de Sancto Paulo, Benedicto de Roia, Juhello de Meduana, multisque aliis nobilibus et cambellanis regiis. Datum per manum Guidonis vicecancellarii. Signum Philippi et infra Guidonis.