1213, du 14 au 30 avril. — Paris.
Philippe Auguste notifie que H., abbé, et les moines de Marmoutier ont concédé au cousin du roi, Gaucher de Châtillon, comte de Saint-Pol, et à sa femme Elisabeth, le prieuré d'Oeuf, à titre viager, à charge d'y entretenir un moine, de n'y édifier aucune fortification, et sous condition qu'à leur mort, il reviendra à l'abbaye sans créer aucun droit à leurs héritiers sur le fonds ni sur les améliorations.
A. Original scellé en cire blanche, selon B et D, perdu.
B. Copie partielle du xviie s., par Gaignières, Bibliothèque nationale, ms. lat. 5441. 1, p. 166, d'après A.
C. Copie du xviiie s., par Dom Martène, Bibliothèque nationale, ms. lat. 12879 (ancien Résidu Saint-Germain 975), fol. 206.
D. Copie du xviiie s., par Dom Martène, Bibliothèque nationale, ms. lat. 12880 (ancien Résidu Saint-Germain 976), fol. 234 v°.
E. Copie du xviiie siècle, Bibliothèque nationale, ms. lat. 12679 (ancien Résidu Saint-Germain 1024, Monasticon benedictinum t. XXII), fol. 50 v°, d'après A.
a. Chanoine D. Haigneré, Le prieuré d'Oeuf, dans Mémoires de la Société des Antiquaires de Morinie, t. XXII (1890-1892), p. 80, d'après B.
Indiqué : Martène, Histoire de l'abbaye de Marmoutier, éd. C. Chevalier, t. II, p. 191.
Texte établi d'après BCDE.
Philippus Dei gratia Francorum rex universis ad quos littere presentes pervenerint salutem. Noveritis quod H. abbas totusque conventus Majoris Monasterii, unanimi omnium assensu, tradiderunt et concesserunt dilecto consanguineo et fideli nostro Galchero de Castellione, comiti Sancti Pauli, et Elisabeth uxori sue prioratum de Oetz cum omnibus pertinentiis suis, toto tempore vite sue, nomine Majoris Monasterii pacifice possidendum et meliorandum, salva eisdem monachis donatione parochialis ecclesie ejusdem loci, quotiens ipsam vacare contigerit. Et sciendum quod predictus comes et uxor ejus dictum prioratum ab omnibus debitis in presentiarum liberare tenentur, pro quibus debitis nec ipsi nec heredes eorum ab eisdem monachis vel a prioratu predicto poterunt aliquid exigere vel aliquatenus reclamare. Tenebunt autem in eadem domo unum de monachis Majoris Monasterii cui honorifice in necessariis providebunt et quem, quotiens voluerint, mutabunt. Item, predictum prioratum immunem semper ab omni debito et in bono statu fideliter conservabunt, nec eis licebit ex ipso prioratu vel ejus pertinentiis aliquid dare aut vendere seu pignori obligare vel quoquo modo alienare, nec in eodem prioratu vel in ejus possessionibus aliquam turrim vel aliquod propugnaculum faciant, verum, cum ipsi in fata cesserint, predictus prioratus immunis ab omni debito, cum omni integritate possessionum suarum et cum omni melioratione quam in eodem prioratu, tam in edificiis quam in augmentatione possessionum et redituum, fecerint, pro qua melioratione predicti monachi ad aliquid resarciendum alicui non tenebuntur, et cum omnibus rebus, tam nutrituris quam aliis, que in eadem domo reperte fuerint, ad memoratos monachos, sine heredum suorum vel quorumlibet aliorum reclamatione vel exactione aliqua, libere et pacifice revertetur. Nos igitur, ad petitionem predictorum H. abbatis et conventus Majoris Monasterii, supradictas conventiones, sicut in eorum authentico continetur, ratas esse volumus et firmas, et in hujus rei testimonium, presentem paginam sigilli nostri auctoritate roborari fecimus et muniri. Actum Parisius, anno dominice Incarnationis M CC XIII, mense aprili.