1213, [fin mai]. — Gravelines.
Philippe Auguste notifie et valide l'accord conclu devant lui, au cours d'un procès de bornage et de juridiction, entre Roger de Rozoy et les religieux de Signy.
A. Original perdu.
B. Copie du xiiie s., Registre E de Philippe Auguste, fol. 1 v°, transcrit vers 1227-1228.
C. Copie partielle, du xive s., d'un vidimus par Philippe le Bel, de décembre 1310, Bibliothèque nationale de France, lat. 9784 (ancien ms. fr. 9607. 3), fol. 10 v°, n° 16.
D. Copie partielle, du xive siècle d'un vidimus par Philippe le Bel, de décembre 1310, Archives nationales, JJ 47, fol. 12, n° 16.
E. Copie du xive siècle, Cartulaire de Signy, Bibliothèque municipale de Reims, ms. 1568, fol. 3 v°, n° 49.
Indiqué : Registres du Trésor des Chartes..., t. I, 1959, n° 1544, d'après D.
Texte établi d'après BCD.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod, cum discordia esset coram nobis inter dilectum et fidelem nostrum Rogerum, dominum Rosetensem, ex una parte, et fratres Signiacenses ex altera, super divisione quorundam nemorum et super eo quod idem Rogerus dicebat dictos fratres non posse nec debere conqueri de suis malefactoribus cuiquam justicie seculari preter quam ipsi, racione advocacie et garendie quas se dicebat habere in monasterio Signiacensi et in quibusdam grangiis et locis ejusdem monasterii, dictis fratribus e contrario asserentibus quod de dicto Rogero et aliis molestatoribus suis ubicumque vellent se clamare poterant per quasdam convenciones olim habitas inter ipsos, dicentes etiam monasterium ipsorum fuisse fundatum a Godefredo quondam domino de Ribodi Monte et Anselino filio ejus necnon et quibusdam aliis, et multas alias raciones pretendentes. Tandem, post multas altercaciones, dictus Rogerus prefatas convenciones recognoscens, predictam advocaciam atque garandiam in manu nostra resignavit et in hoc expresse consensit quod dicti fratres Signiacenses tam de ipso quam de aliis quibuscumque suis molestatoribus nobis conqueri possint in perpetuum, si eosdem in aliquo molestari contigerit, aliquorum contradiccione non obstante. Nos igitur dictam resignacionem gratam habentes, eosdem fratres cum bonis eorum volumus ad nostram garandiam de cetero pertinere, ita quod de suis malefactoribus teneamur eisdem in perpetuum justiciam exhibere. Discordia vero nemorum predictorum hoc modo terminata est et, metis positis, sunt designata (sic) sicut partes recognoverunt coram nobis. Prima meta posita est ad planchiam juxta vadum de Haleville, que respondere debet mete de Angelesvile ; secunda meta super cappellam de Hallevile ; tertia ad hutam Lofart ; quarta toto rivo, usque ad ortum ejusdem rivi ; quinta juxta pirum que est juxta semitam qua de Gerignies itur Signiacum ; sexta ad duas fagos que sunt desuper rivum des Colieres ; septima ad ortum rivi qui est sub monte juxta Harlam ; inde octava posita est sicut idem rivus cadit in Seram ; nona ubi rivus de Tesneriis cadit in Seram ; decima prope ortum ejusdem rivi de Taisneriis et inde ad rubeam metam, et ab ista quanto rectius iri potest ad metam juxta Gemellas et ab ista ad metam que est juxta ortum Sere. In omnibus autem nemoribus inter dictas metas et Signiacum existentibus, nichil juris habet nec aliquid de cetero clamare poterit dictus Rogerus. Que omnia ut perpetuum stabilitatis robur obtineant, sicut superius sunt expressa, nos presentem paginam sigilli nostri auctoritate et regii nominis karactere inferius annotato firmamus. Actum apud Gravelingues, anno Incarnacionis dominice M° CC° XIII°, regni nostri anno XXX° tercio, astantibus in palacio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Droconis constabularii. Data vacante cancellaria.