1213, du 1er novembre, au 29 mars 1214. — Gisors.
Philippe Auguste confirme la convention conclue entre Guillaume, évêque de Langres, et le monastère de Bèze, et vidime un acte de mars 1209 par lequel ledit évêque déclare, après enquête, qu'il ne doit pas empêcher les moines et les bourgeois de fortifier la ville, acte garanti en 1213 par Eudes, duc de Bourgogne.
A. Original perdu.
B. Copie de mai 1236, dans un vidimus adressé au pape Grégoire IX, par R., doyen de Saint-Étienne de Langres, et A., abbé de Saint-Vincent de Besançon, Archives départementales de la Côte-d'Or, 3 H 115.
C. Copie de 1772, Copie des titres de l'abbaye de Saint-Pierre de Bèze, Archives départementales de la Côte-d'Or, 3 H 1*, p. 36 pour l'acte de Philippe Auguste, d'après B, et p. 20 pour la charte de mars 1209 (a. st.) de l'évêque de Langres, Guillaume de Joinville, d'après l'original.
Texte établi d'après B, corrigé d'après C pour le texte de la charte de Guillaume, évêque de Langres.
Philippus Dei gratia Francorum rex. Noverint universi presentes pariter et futuri quod hec est forma pacis facte inter dilectum et fidelem nostrum Guillelmum Lingonensem episcopum ex una parte, et abbatem et conventum Besuensem ex altera : Ego Guillelmus, divina miseratione Lingonensis episcopus, omnibus ad quos presentes littere pervenerint, salutem in Domino. Noverit universitas vestra quod, cum inter me ex una parte et abbatem et conventum Besuensem ex altera, super constructionem murorum Besuensis ville quibus eam ad munimen ambitus cingere conabantur, discordia verteretur, tandem, bonorum et prudentum virorum interveniente consilio, bonum pacis fuit inter nos taliter reformatum quod ego in multorum presentia sum confessus quod, cum inquisitionem fecissem utrum aliquis predecessorum meorum contradixisset monachis vel burgensibus ne munirent, quod contradictum fuisset aliquando non inveni per eam, ipsis non prohibens ne perficerent munitionem inceptam, promittens etiam quod ne muniant nunquam de cetero contradicam. Super omnibus aliis, utriusque ecclesie Lingonensis videlicet et Besuensis integro jure servato, quasdam etiam litteras quas habent a me monachi supradicti, scilicet istas que presentibus subjunguntur, confirmans eisdem, ego Willelmus, divina miseratione Lingonensis episcopus, notum facio omnibus tam presentibus quam futuris quod ego recognosco me in villa Besue nullam habere collectam, prisiam seu extorsionem aliquam, nisi de voluntate abbatis et hominum. In cujus rei testimonium, presentes litteras feci sigilli mei munimine roborari. Actum anno gratie M° CC° IX°, mense marcio. Quod ut ratum et stabile permaneat, presentem paginam feci sigilli mei munimine reborari. Ad majorem etiam securitatem, nobilis viri Odonis ducis Burgundie qui etiam dicte pacis extitit mediator, feci sigillum apponi. Actum Divione, anno Domini M° CC° XIII°. Nos vero predictam pacem quam in auctentico super hoc confecto vidimus contineri, salvo jure nostro, volumus et firmamus. Actum Gisortio, anno dominice Incarnationis M° CC° X° III°, regni vero nostri anno XXXV°, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Droconis constabularii. Data vacante (Monogramme) cancellaria.