1213, du 1er novembre, au 29 mars 1214.
Philippe Auguste notifie que Geoffroy et Guillaume de Sully, Henri du Poignet et sa femme Hélissent, Bertrand et Marguerite, enfants d'Hélissent, Adam Jolereu, mari de Marguerite, et Landry « de Velis » ont concédé à leurs hôtes de Fromont un arpent de terre, moyennant certaines redevances, et ont ajouté à ce don diverses exemptions de droits.
A. Original, scellé en cire verte, sur lacs de soie, selon le vidimus copié en B et publié en a, perdu.
B. Copie de 1779, par Chahuet, notaire, d'après une copie de 1481 d'un vidimus de 1456 par Nicolas Telier, garde du scel de la prévôté de Château-Landon, vendue en 1892.
a. E. Thoison, Une charte inédite de Philippe Auguste, dans Bulletin de la Société de l'histoire de Paris et de l'Ile-de-France, t. XIX (1892), p. 81, d'après B.
Texte établi d'après a.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod Gaufridus Sulianus et Guillermus frater ejus et Henricus de Puneto et Helissendis uxor sua et Bertrannus filius ejusdem Helissendis, et Adam Jolereu et Margareta uxor ejus, filia dicte Helissendis, et Landricus de Velis dederunt et concesserunt hospitibus suis de Fromont et heredibus eorum qui ibi sunt et qui ibi erunt cubantes et levantes super terram, videlicet arpentum terre ad cordam regis per duodecim denarios pro tailla, et pro unoquoque arpento duos denarios pro charreyo, et hos denarios reddent singulis annis in crastino Omnium Sanctorum, et de eadem terra reddent terragium, scilicet campipartem, et illud terragium ducent in granchias dominorum in eadem villa, sicut solebant ; reddent et oblivias de Nativitate Domini, bladum, denarios et capones, sicut solebant, et pro quolibet pane obliviarum, tres denarios, et censum de vineis ad Purificationem Beate Marie ; et duodecim solidos pro agnis infra octavas Pasche, pro tota villa ; et illi qui nutrierunt anseres in villa dabunt unusquisque unam anserem dominis ; dabunt etiam de unaquaque oschia dominis unam minam frumenti infra octavas Nativitatis Domini, excepta oschia Roberti et ejus sociorum, qui dabit duo septeria ordei ad eumdem terminum ; et illi qui ad dictos terminos divisos redditus non reddiderunt, per quinque solidos amendarent et, salva justicia dominorum, tali modo quod forefactum de sexaginta solidis redibit ad quinque solidos quum judicatum erit in curia domini. Nullus poterit tenere terram de Fraumont, nisi sit cubans et levans super terram illam, et quicumque terram tenebit poterit illam vendere homini de eadem coutuma, salvis venditionibus dominorum. Concesserunt etiam predicti domini jam dictis hospitibus quod, si relevacio evenerit in terra illa, non relevabunt duodecim denarios de charreyo, nec ipsi relevabunt censum de vineis. Quod ut perpetuum robur obtineat, sigilli nostri autoritate et regii nominis caractere inferius annotato presentem paginam, ad peticionem tam dictorum dominorum quam hospitum, salvo jure nostro, confirmavimus. Actum autem anno ab Incarnatione Domini millesimo ducentesimo tertio decimo, regni vero nostri anno tricesimo quinto, astantibus in palatio nostro quorum nomina subposita sunt et signa. Dapifero nullo. Signum Guidonis buticularii. Signum Bartolomei camerarii. Signum Droconis constabularii. Data vacante (Monogramme) cancellaria.