1214, du 1er au 29 mars. — Saint-Germain-en-Laye.
Philippe Auguste mande à ses baillis et prévôts et à tous ses fidèles, que l'abbaye de Saint-Mesmin de Micy, qui est sous la protection royale, a été dispensée par les privilèges de ses prédécesseurs du paiement des péages, tonlieux, tailles et autres impositions, tant par terre que par eau, dans tout le royaume, et leur enjoint de veiller au maintien de ces privilèges.
A. Original perdu.
B. Copie du xviie s., détruite en juin 1940, « Extrait des concessions » faites à l'abbaye de Saint-Mesmin de Micy, Archives départementales du Loiret, cote provisoire : H 89, liasse 3, fol. 10.
C. Copie de B par J. Soyer, archiviste, Archives départementales du Loiret, J 1445.
Indiqué : Analyse de J. Soyer, Académie des Inscriptions, Dossiers des Chartes et diplômes, d'après B.
Indiqué : M.-M. Lemarignier, Etudes sur les anciennes chartes de l'abbaye Saint-Mesnin de Micy et essai de restitution des cartulaires, 1937, t. III, n° CLXIX, fol. 486, d'après B.
Philippus, Dei gratia Francorum rex, universis ballivis, prepositis, amicis et fidelibus suis ad quos presentes litteras pervenerunt, salutem. Omnia (lire Quoniam) sicut in tenore privilegiorum felicis memorie patris nostri et predecessorum nostrorum cognovimus, ecclesia Sancti Maximini Aurelianensis, que nostra est specialis, talem hactenus habuit libertatem quod per universum regnum nostrum a pedagiis, teloneis et talliis et ab omni prorsus consuetudine libera est sive per terram sive per aquam. Mandamus vobis et precise precipimus quatenus eadem privilegia, sicut eisdem dicta ecclesia hactenus usa est, authoritate nostra regia, tam super pedagiis, teloneis et taliis quam etiam super omnibus aliis rebus, teneatis et teneri firmiter faciatis. Preterea quia, sicut fidelis noster abbas et monachi dicti loci nobis humiliter suggesserunt, forestarii nostri in domus eorum comestiones et ab hospitibus talias et alias exactiones contra privilegium patris nostri exigere non verentur, vobis prepositis et balivis nostris Aurelianensibus precise precipimus quatenus, viso tenore ipsius privilegii, veritatem super hoc diligentius inquiratis et ecclesiam ipsam contra privilegium gravari nullatenus permittatis ; sed eam et res ipsius et hospites et terram, tanquam nostram propriam, in omnibus custodiatis et deffendatis, tantum inde facientes quod pro defectu vestro ad nos de cetero querimonia non reportetur. Actum apud Sanctum Germanum in Laia, anno Domini M° CC° XIII, mense martio.