1214, juillet. — Compiègne.
Philippe Auguste mande à Guillaume de Chartres et aux frères de l'Ordre du Temple, qu'en raison de la coutume du royaume de France, lui et son fils Louis, en présence du roi de Jérusalem, ont garanti à Blanche, comtesse de Champagne, et à son fils Thibaut, qu'ils ne recevront avant la majorité dudit Thibaut aucune plainte des filles de feu Henri de Champagne au sujet de leurs droits sur le comté de Champagne, et qu'ils s'opposeront au mariage de l'une d'entre elles avec Érard de Ramerupt.
A. Original perdu.
B. Copie du xiiie s., Cartulaire 2 de Champagne, Archives nationales, KK 1064, fol. 259.
Philippus Dei gratia Francorum rex dilectis suis fratri W. de Carnoto, magistro, et universis fratribus domus Milicie Templi salutem et dilectionem. Scire vos volumus quod consuetudo antiqua et per jus approbata talis est in regno Francie quod nullus ante viginti et unum annos potest vel debet trahi in causam de re quam pater ejus teneret sine placito cum decessit. Hujus igitur ratione consuetudinis, nos et karissimus filius noster Ludovicus statuimus et concessimus dilecte et fideli nostre comitisse Trecensi et Theobaldo filio ejus, presente et audiente dilecto nostro Johanne rege Jerosolime, quod si filie comitis Henrici vel aliquis pro ipsis vellent predictum Theobaldum vel matrem ejus in causam trahere de terra quam pater ejus tenuit, nos non audiremus inde verbum donec idem Theobaldus haberet viginti et unum annos, nec ipsum vel matrem ejus antea in causam trahi permitteremus, precipue cum, de testimonio multorum nobilium virorum quibus fidem bene adhibere debemus, bene constet quod karissimus quondam nepos noster comes Henricus, cum vellet Ierosolimam proficisci, totam terram suam dimisit et dedit Theobaldo fratri suo quondam comiti Trecensi, si ipsum comitem Henricum de transmarinis partibus contingeret non redire. Ad hec nullo modo volumus quod Erardus de Rameruco filiam comitis Henrici habeat in uxorem, sed id fieri modis omnibus prohibemus, quia, si fieret, contra nos fieret, nec est conveniens quod tam nobilis domicella habeat talem virum, et preterea dictum est nobis quod in eo gradu consanguinitatis sese attingunt quod non possunt nec debent legitime copulari. Actum Compendii, anno Domini M° CC° XIIII°, mense julio.