1214, du 1er novembre, au 18 avril 1215. — Anet.
Philippe Auguste confirme le don fait par Simon d'Anet au prieuré de la Trinité du Hamel-lès-Bréval, du droit de patronage de l'église de Bréval et de divers droits dans la forêt de Dessèvre ; le roi y ajoute soixante-dix arpents de bois, en échange du droit d'usage qu'avaient les moines dans cette forêt.
A. Original perdu, scellé de cire verte sur lacs de soie selon B.
B. Vidimus du 28 juin 1398 par le garde de la prévôté de Paris, Archives nationales, P 19161, n° 32053.
C. Copie du xvie s., Cartulaire de la Trinité du Hamel-lès-Bréval, Bibliothèque nationale de France, nouv. acq. fr. 6354, fol. 2.
D. Copie authentique de 1656, par Nicolas Chéron, avocat et tabellion, Archives départementales de Seine-et-Oise, Titres de la Maison de Montmorency-Luxembourg, E 2211, d'après un cartulaire de l'abbaye du Bec-Hellouin.
E. Analyse et copie partielle du xviie s., « Chronicon Beccense auctum et illustratum », Bibliothèque nationale de France, lat. 12884 (ancien Saint-Germain latin 528), fol. 291.
Texte établi d'après CDE.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod Symon de Aneto, dominus Brehervallis, quondam donavit in perpetuum Deo et Beate Marie de Becco et monachis ibidem Deo servientibus jus patronatus ecclesie Brehervallis et decimam venditionis nemoris Diane Silve et medietatem decime pasnagii ejusdem nemoris et feriam unam statutam singulis annis in crastino festivitatis Omnium Sanctorum, per ipsam diem tantummodo durantem. Donavit etiam ipsis monachis furnum unum apud Brehervallem cum furnagio ejusdem ville, et stagnum et molendinum Brehervallis et, in decima septimana cujuslibet anni, tertiam partem mercati Brehervallis et de Sancto Hylario et omnium consuetudinum ad honorem Brehervallis spectantium, et decimam omnium essartorum que fient vel jam facta sunt in predicto nemore Diane Sylve, et decimam tam vinee quam virgulti quod ipse Symon habebat apud Brehervallem, et unum modium bladi in molendino Piri et sex arpennos terre ad mansionem monachorum commorantium apud Brehervallem ; concessit etiam ipsis monachis ut homines eorumdem monachorum commorantium apud Brehervallem habeant eandem consuetudinem in predicta silva quam antea habuerant, et pastionem propriorum porcorum eorumdem monachorum et manupastus eorum sicut ante habuerant ; insuper, idem Symon donavit eisdem monachis decimam panis sui qui expendebatur in domo sua apud Brehervallem. Nos vero, pro eo quod idem monachi nobis et nostris successoribus in perpetuum quitaverunt usuarium suum mortui nemoris quod habebant in predicto nemore, tam ad furnum suum quam ad suas alias necessitates, donamus eisdem monachis sexaginta et decem arpennos predicti nemoris ad perticam nostram, jure perpetuo possidendos, sicut ibidem sunt mete constitute, ad faciendam suam voluntatem, preterquam de villa ibidem facienda. Nos itaque predicta omnia sicut superius annotata sunt, ad instar ipsius Symonis, prefatis monachis de Brehervalle, sicut illis usi sunt, concedentes, presentem paginam, ad petitionem ipsorum monachorum, fieri precepimus eamque sigilli nostri auctoritate et regii nominis karactere inferius annotato curavimus roborare. Actum apud Anetum, anno incarnati Verbi M° CC° quarto decimo, regni vero nostri tricesimo sexto, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Droconis constabularii. Data vacante (Monogramme) cancellaria.