1215, mars.
Philippe Auguste donne en fief à Raoul d'Estrées, à titre héréditaire, tout ce qu'il possédait à Vez-sur-Autonne, et y ajoute un moulin, après avoir désintéressé les propriétaires.
A. Original perdu.
B. Copie, formules abrégées, du xiiie s., Registre C de Philippe Auguste, fol. 86 v°.
C. Copie du xiiie s., Registre E de Philippe Auguste, fol. 215, d'après B.
D. Copie du xiiie s., Registre F de Philippe Auguste, fol. 171 v°, d'après C.
E. Copie du xive s., Registre D de Philippe Auguste, fol. 118, d'après B.
a. Carlier, Histoire du duché de Valois, t. III, p. XXXIII, d'après E.
Notum etc. quod nos dilecto et fideli nostro Radulfo de Estrees et heredi suo masculo de uxore sua desponsata, propter ejusdem fidele servitium, donamus et concedimus in perpetuum quicquid habemus apud villam que dicitur Ve super Autonnam, tam in villa quam in pertinentiis ville, de nobis quiete et pacifice tenendum, in augmentum feodi quod ipse Radulfus in hominagium ligium de nobis tenebat ; donamus etiam ei in eadem villa molendinum, in quo molendino cum quidam, tam in feodis quam in elemosinis, annuatim redditus haberent, nos omnibus illis qui in jam dicto molendino aliquid percipiebant suffitiens (sic) dedimus excambium, et totale molendinum sepedicto Radulfo et heredi suo masculo de uxore sua desponsata in perpetuum concedimus. De bannariis hujus molendini ita statuimus quod, si quis de bannariis ad molendinum illud sicut in tempore nostro molere noluerit et consuetudinem nostri temporis violare presumpserit, ipse Radulfus emendam illam quam ibidem habere solebamus pro tali forisfacto cum omni justitia habebit. Si vero ex impotentia sua emendam illam habere non poterit et ad nos vel ad ballivos nostros inde questio referatur nos, omni dilatione cessante, hoc ipsum ei emendare fatiemus (sic) et nos emendam nostram, si nobis placuerit, inde capiemus. Quod ut ratum, etc. Actum Parisius, anno Domini M° CC° XIIII°, mense marcio.