1215, du 19 avril au 31 octobre. — Melun.
Philippe Auguste confirme l'immunité et les biens concédés par Louis VII à Saint-Remi de Reims.
A. Original jadis scellé sur lacs de soie verte et rouge. Hauteur, 380 mm. ; largeur, 255 mm. Archives départementales de la Marne, 56 H 33, n° 7.
B. Copie du xiiie s., Registre E de Philippe Auguste, fol. 339, d'après A, au temps de la confirmation de saint Louis (cf. C).
C. Copie d'avril 1248 n. st., dans un vidimus de saint Louis, Archives départementales de la Marne, 56 H 33, n° 8, d'après A.
D. Copie du xiiie s., Registre E de Philippe Auguste, fol. 340, d'après A, au temps de la confirmation de saint Louis (cf. C).
E. Copie du xiiie s., texte très altéré, Cartulaire B de Saint-Remi de Reims, Archives départementales de la Marne, 56 H 1029, fol. 81 v° ou p. 160.
F. Copie du xive s., Cartulaire A de Saint-Remi de Reims, Archives départementales de la Marne, 56 H 1031, p. 90.
G. Copie du xive s., Cartulaire C de Saint-Remi de Reims, Archives départementales de la Marne, 56 H 1030, fol. 10 v°.
H. Copie du xviiie s., collationnée par le conseiller Lemarié d'Aubigny, Archives nationales, K 216, n° 274 (ancienne cote : L 22, n° 197), d'après C.
a. Varin, Archives administratives de la ville de Reims, t. I, p. 703, d'après CGH.
In nomine sancte et individue Trinitatis. Amen. Ph[ilippus] Dei gratia Francorum rex. Noverint universi presentes pariter et futuri quod karissimus genitor noster pie recordationis Ludovicus ecclesie Beati Remigii Remensi et monachis ibidem Deo servientibus, intuitu divine pietatis, indulsit et sollempni carta sua confirmavit ut castrum in quo idem beatus Remigius corpore quiescit, cum burgo quod adjacet sibi, immune sit ab omni aliena justitia et potestate et, preter abbatem et monachos ejus, nullus ibi exerceat ullam juditiariam districtionem, et liceat abbati et fratribus ibidem habere et caminas et furnos et arces et molendina et piscaturas et viridaria et mercatum, cum res illud postulaverit, et quecumque eorum plaudo et usibus visa fuerint eis libere permisit et donavit, sed et villas omnes et possessiones ejusdem sancti ab omni oppressione et qualibet aliena juditiaria potestate prohibuit, hoc est predictum castrum cum adjacentibus suis, Cruniacum cum adjacentibus suis, Sapicurtem, Genvreium, Colunnas, Satiacum, Villare Aleranni cum adjacentibus suis, Villare in Silva, Cheziacum, Condatum cum adjacentibus suis, Eysse, Vallem Dominicam, Curtem Ausorum, Domnum Remigium, Condedam Curtem cum adjacentibus suis, sicut eam Lotharius rex gloriosissime Girberge regine matris sue precibus et Hugonis cognati sui beato tradidit Remigio, Aysencellam, Villare in Estanneio cum adjacentibus suis, Luponis montem et quicquid in comitatu Burgundiensi eadem ecclesia possidet vel in Cathalanensi territorio, elemosinamque Galteri comitis, Thassiacum, Viliriacum, Muriniacum, Hermondi Villam, Tiliam, Chanaium, Croonnam, Corbiniacum cum adjacentibus suis, Salicem Sancti Remigii cum adjacentibus suis, Basilicam Curtem cum adjacentibus suis, Baynam, Erpeium vicum cum adjacentibus suis, Gersum, Jehennei villam, Givreium, Bayrum, Pontem Bayri cum adjacentibus suis et cellam Caniacum cum adjacentibus suis et omnia que dicta ecclesia possidet in comitatu Portiensi, et ecclesiam Sancti Oricoli cum adjacentibus suis. Nos igitur predicti patris nostri pium factum approbantes et imitari volentes, quicquid in regno Francorum est pertinens ad jus Sancti Remigii et quod ad presens tenet, sive sit ecclesia, sive villa, sive mansionile, sive predium ab aliquo datum, et omnia que ejusdem sunt ecclesie, sive res mobiles, sive immobiles, cum omnibus supradictis, sicut ea a predicta ecclesia possidentur et sicut in carta dicti genitoris nostri super hoc confecta vidimus contineri et sicut ab eadem ecclesia res supradicte legitime detinentur, sigilli nostri auctoritate et regii nominis karactere inferius annotato, presenti pagina confirmamus. Actum Meleduni, anno dominice Incarnationis M° CC° quinto decimo, regni vero nostri tricesimo sexto, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Droconis constabularii. Data vacante (Monogramme) cancellaria.