1215, mai. — Paris.
Philippe Auguste confirme l'accord conclu entre l'abbé et le monastère de Saint-Denis et les marchands parisiens fréquentant la foire du Lendit.
A. Original jadis scellé sur lacs de soie rouge et verte. Hauteur, 328 mm. ; largeur, 282 mm. Archives nationales, K 28A, n° 5.
B. Copie du xiiie s., Cartulaire blanc de Saint-Denis, vol. I, Archives nationales, LL 1157, fol. 347.
C. Copie, formules abrégées, du xiiie s., Registre C de Philippe Auguste, fol. 18bis v°.
D. Copie du xiiie s., Registre E de Philippe Auguste, fol. 148, d'après C.
E. Copie du xiiie s., Registre F de Philippe Auguste, fol. 116 v°, d'après D.
F. Copie du xive s., Registre D de Philippe Auguste, fol. 19, d'après C.
G. Copie du xive s., Cartulaire rouge de Saint-Denis, Bibliothèque nationale, ms. lat. 5415, p. 295, d'après B.
H. Copie du xive s., Archives nationales, JJ 108, fol. 154, d'après un vidimus de Charles V, d'août 1375.
a. Doublet, Histoire de l'abbaye de Saint-Denys en France, p. 899.
b. Ordonnances, t. VI, p. 147, d'après E.
c. Félibien, Histoire de Paris, t. III, p. 95, d'après F, G ou H.
d. Reproduction, transcription et analyse diplomatique approfondie dans O. Guyotjeannin, J. Pycke et B.-M. Tock, Diplomatique médiévale, Paris, 1993, p. 138-141 et 302-305 (reproduction et transcription du passage de deux inventaires anciens de l'abbaye de Saint-Denis analysant cet acte).
Indiqué : Tardif, Monuments historiques, p. 343, n° 769, d'après A.
In nomine sancte et individue Trinitatis. Amen. Ph[ilippus] Dei gratia Francorum rex. Noverint universi presentes pariter et futuri quod hec est forma pacis inter dilectos nostros abbatem et conventum Sancti Dyonisii et eorum ecclesiam ex una parte, et universos mercatores Parisienses qui venient ad nundinas Indicti ex altera : duo vel tres ex burgensibus Parisiensibus prima die maii convenient prepositum Sancti Dyonisii in loco in quo Indictum solet convenire, et prepositus debet ibi esse, et eidem preposito debent denuntiare quod ipsi volunt capere plateas suas et signare logias suas ad opus Indicti, quantum eis necesse fuerit. Prepositus autem, si voluerit, poterit videre quantum exinde capient ad opus logiarum et, si ipse requisitus et inventus in loco Indicti interesse aut videre noluerit, propter hoc non dimittent quin infigant et assignent ad plateas suas quantum convenerit ad opus dictorum mercatorum Parisiensium, et illas non poterunt alicui locare nec assotiare sibi aliquem qui non sit ad idem catallum cum eis. Si vero prepositus Sancti Dyonisii ipsa die non fuerit inventus in loco Indicti, eadem die ibunt ad Sanctum Dyonisium et denuntiabunt abbati vel priori vel portario ut veniant ad locum Indicti et videant signari plateas sicut predictum est. Quod si nullus illorum propter hoc venire voluerit, dicti burgenses nichilominus capient et signabunt logias suas sicut superius dictum est. Et si abbas vel prepositus vel prior aut portarius imponant dictis burgensibus quod exinde non fuerint ab eis requisiti, duo vel tres ex predictis burgensibus super sacrosancta jurabunt quod ex hoc eos requisierint secundum quod in presenti scripto continetur, et sic liberi erunt exinde ab omni emenda, salva tamen justitia ecclesie Sancti Dyonisii. Nullus autem undecumque sit in loco Indicti potest capere plateam ante primam diem maii. Nundine autem fient vendendi et emendi in predicto loco Indicti eo tempore quo solent et sicut solent. Quod ut robur perpetue stabilitatis obtineat, presentem cartam sigilli nostri auctoritate et regii nominis karactere inferius annotato, salvo jure nostro, confirmamus. Actum Parisius, anno dominice Incarnationis M° CC° quinto decimo, regni vero nostri tricesimo sexto, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Droconis constabularii. Data vacante (Monogramme) cancellaria.