1215, mai. — Paris.
Philippe Auguste notifie à ses forestiers de Retz l'enquête faite par Aubert de Hangest, Guillaume de La Chapelle et Hugues d'Athies, qui précise les droits de bois vif et mort, de pâture, etc. qu'ont les moines de Longpont dans les différentes parties de la forêt de Retz, et il leur enjoint de s'y référer à l'avenir et de faire observer les coutumes ainsi définies.
A. Original scellé en cire blanche sur simple queue. Hauteur, 182 mm. ; largeur, 194 mm. Archives nationales, J 731, n° 26.
B. Copie du xviiie s., par Dom Grenier, Bibliothèque nationale, Collection Moreau, vol. 119, fol. 194, d'après un rôle des archives de Notre-Dame de Soissons.
Traduction française du xiiie s., Archives nationales, K 28, n° 3.
Indiqué : Bibliothèque nationale, ms. lat. 9818 (ancien Suppl. lat. 1084), fol. 22. Teulet, Layettes du Trésor des chartes, t. I, p. 417, n° 1121, d'après A.
Philippus Dei gratia Francorum rex forestariis suis de Rest salutem. Noveritis quod hec est inquisitio facta ab Alberto de Hangest et Guillelmo de Capella et Hugone de Atheiis super usuario quod monachi Longi Pontis habent in foresta de Rest. Proinde vobis mandantes precipimus quatinus eandem inquisitionem, sicut in presenti scripto continetur, firmiter observetis et nullam aliam inquisitionem nisi istam aliquatenus observetis, et litteras istas penes vos retineatis. Hec est autem inquisitio : monachi Longi Pontis habuerunt usuarium suum ad mortuum boscum per totam forestam de Rest consuetudinarie, et pro mortuo bosco quod habebant per totam forestam consuetudinarie, concessit eis Philippus comes Flandrie in excambium branchias, mortuum boscum et residuum per totam forestam, extra saltum et defensa, ad octo asinos et duas quadrigas, quarum quelibet debet esse ad duos equos, ad corpus abbatie, ita quod istud excambium durabit quamdiu nobis placuerit. Item, fagotarii Longi Pontis capiunt illud quod remanet de branchiis, mortuo bosco et residuo post onera asinorum et quadrigarum, sed nichil possunt diruere et fagotos quos exinde facient ducent ad abbatiam sicut poterunt ad furnos calefaciendos et alia abbatie necessaria facienda. Item, granchie sue videlicet Montreinbuef, Vallisberon, Praella, Lagorge, Laboue, et granchia de Vivario habebunt usualiter in eadem foresta branchas et mortuum boscum ad suum ardere, extra saltum et defensa. Item, monachi possunt capere in nemore suo quod est ante portam suam, infra metas et in bosco de Dementart, de una parte campi et de alia infra metas, quantum voluerint, ad usum suum, tam de vivo quam de mortuo, sine vendere, dare et essartare, et in hiis duabus petiis bosci habent monachi servientem suum qui nemus custodit, sed ille serviens neminem nec aliquid potest capere, nec forifactum ab aliquo levare, quia forifacta nostra sunt ; et de hiis duabus petiis possunt ducere monachi quantum volunt ad omnes granchias suas ad usus proprios. Item, in bosco qui vocatur Boscus Girelmi et in Bus (sic) Sancti Albini et in bosco Petri de Silveto, militis, non possunt capere dicti monachi nisi solummodo branchas et mortuum boscum extra saltus et defensa, sicut in alia foresta. Item, monachi possunt facere clausuras suas de branchis nemoris proprii, et de mortuo bosco foreste possunt facere clausuras suas et escharaz ad vineas suas, extra saltus et defensa, et ducere ad granchias suas inter Esnam et Ourc. Item, de tota foresta nichil possunt dare aut vendere aut essartare. Item, habent per totam forestam pasturam ad equos et vaccas suas extra saltus et defensa et venditiones. Item, pasnagium tocius foreste est nostrum, etiam in nemoribus monachorum, tam de porcis eorum quam de aliis. Item, nos possumus facere venditiones in foresta nostra quandocumque et quotienscumque voluerimus, et tunc nec monachi Longi Pontis nec aliqui alii habent ibi pasturam aut usuarium, nec mortuum boscum, nec vivum, quamdiu durat venditio, nec post ultra usque ad tres annos et dimidium post venditionem. Item, de excambio quod Philippus comes Flandrie fecit cum dictis monachis de mortuo bosco quod habebant per totam forestam de Rest ad mortuum boscum, branchas et residuum, extra saltus et defensa, erit in voluntate nostra capere quod melius voluerimus. Actum Parisius, anno Domini M° CC° XV°, mense maio.