1215, mai. — Paris.
Philippe Auguste notifie à ses forestiers de Retz l'enquête faite par Aubert de Hangest, Guillaume de La Chapelle et Hugues d'Athies sur les droits de bois mort des chanoines de Valséry dans la forêt de Retz, et leur ordonne de s'y conformer ; il ajoute les conclusions de l'enquête jurée faite par le doyen de Saint-Thomas, Adam son frère, Bernard le prévôt, Michel de La Ferté, Gautier de Mareuil, Jean de Vé et Milon de Vouciennes, sur les droits de Barthélemy de Mareuil dans le Bois-Renard.
A. Original scellé en cire blanche sur simple queue. Hauteur 210 mm. ; largeur 195 mm. Archives nationales, J 163A, n° 3.
B. Copie du xviiie s., par Dom Grenier, Bibliothèque nationale, Collection de Picardie, vol. 18, fol. 18, d'après un rôle des archives de Notre-Dame de Soissons.
Traduction française du xiiie s., Archives nationales, K 28, n° 3.
Indiqué : Olim, t. I, p. 868 ; Bibliothèque nationale, ms. lat. 9818 (ancien Suppl. lat. 1084), fol. 22 ; Teulet, Layettes du Trésor des chartes, t. I, p. 417, n° 1120.
Philippus Dei gratia Francorum rex forestariis suis de Rest salutem. Noveritis quod hec est inquisitio facta ab Alberto de Hangest, Guillelmo de Capella, Hugone de Atheiis, super usuario quod canonici Vallis Serene habent per totam forestam de Rest. Proinde vobis mandantes precipimus quatinus eandem inquisitionem, sicut in presenti scripto continetur, firmiter observetis et nullam aliam nisi istam aliquatenus observetis et litteras istas penes vos retineatis. Hec est autem inquisitio : canonici Vallis Serene habent per totam forestam, ad usum suum, branchas, mortuum boscum et residuum, extra saltus et defensa, ad VI asinos. Item, fagotarius eorum vadit post asinos et facit fagotos suos de eo quod remanet post onera asinorum, et illos fagotos ducit cum una quadriga ad duos equos ad corpus abbatie, ad usum suum, sed nichil potest diruere, nec branchas, nec vivum boscum, nec alium boscum. Domus de Javaiges habet per totam forestam branchas, mortuum boscum et residuum ad duos asinos, extra saltus et defensa, et venditiones ad suum usum, sine vendere et dare. Granchia de Danleu similiter ad unam quadrigam ad duos equos. Item, in bosco de Autoisel, cujus fundus terre suus est, infra metas capiunt illi de Danleu mortuum boscum et residuum ad faciendum quicquid volunt ad usus suos, et possunt exinde facere carbones et ducere ad domos suas ad voluntatem suam, sine dare et vendere, et possunt habere servientem suum in illo bosco, qui ipsum custodiat sed non potest ibi aliquem nec aliquid capere, nec forifactum de aliquo levare, quia forifacta nostra sunt. Iste IIIIor domus, videlicet domus de Vivariis, de Exsartis, de Spina et de Gastellis capiunt branchas et mortuum boscum in suo proprio nemore quod vocatur boscus Beate Marie de Vivariis ad suos proprios usus, sine vendere et dare, et per totam forestam, extra saltus et defensa, habent mortuum boscum ad clausuras suas et escharaz ad vineas suas, et possunt ducere les escharaz ad vineas suas, usque ad Esnam. Item, homines de Vivariis et de Longa Avesna habent mortuum boscum et residuum in bosco qui vocatur boscus Beate Marie de Vivariis, ad usum suum et ad faciendam voluntatem suam, per redditum quem propter hoc reddunt ecclesie Vallis Serene, et possunt ipsum ducere usque ad Esnam. Item, homines de Mortuo Fonte et de Marivalle et de Taillefonte possunt se arrentare ad mortuum boscum capiendum in proprio bosco Beate Marie de Vivariis ad usum suum et ad faciendum voluntatem suam, et possunt ipsum ducere usque ad Esnam. Item, canonici de Valle Serena et granchie sue habent pasturam equis et vaccis suis per totam forestam, extra saltus et defensa et venditiones. Item, jurati viderunt quod, quando illi de Valle Serena inveniebantur scindentes in propriis boscis suis, etiam ad herberjandum se, quod ipsi capiebantur per servientes de Petrifonte et servientes comitisse et ducebantur ad comitissam et ad ultimum liberabantur, sed nesciunt quo modo, quia nonquam (sic) exinde viderunt jus fieri vel emendam levari, unde nos volumus et concedimus quod ipsi habeant libere usuarium suum in propriis boscis suis, de vivo bosco. Hec est autem inquisitio facta pro Henrico de Marolio per juratos qui subscribuntur : decanus Sancti Thome, Adam frater ejus, Renardus prepositus, Michael de Feritate, Galterus de Marolio, Henricus de Marolio, Johannes de Ve et Milo de Voucienes, jurati, dixerunt quod tempore comitisse viderunt fieri inquisitionem utrum Bartholomeus de Marolio, miles, posset vendere nemus qui (sic) vocatur Boscus Renardus, sine alterius licentia ; per illam inquisitionem, invenit comitissa quod dictus Bartholomeus bene poterat vendere dictum nemus qui (sic) vocatur Boscus Reinardi, sine alterius licentia, ita tamen quod si comitissa haberet venditiones suas in patria, bene posset inhibere hominibus de banno suo ne irent ad venditionem dicti Bartholomei, nisi per licentiam eorum qui nemora sua venderent. Actum Parisius, anno Domini M° CC° XV°, mense maio.