1215, du 1er novembre, au 9 avril 1216. — Paris.
Philippe Auguste confirme la charte par laquelle Robert, fils du comte de Leicester, avait donné à l'abbé et aux moines de Saint-André de Gouffern ce qu'il avait acquis de Raoul de Saint-Hilaire, de Guillaume, son frère, et de Thomas, leur neveu, à Mesmouton ; les moines ne pourront toutefois y avoir des hôtes ni y construire de ville. De plus le roi leur donne six livres tournois de rente pour les indemniser de l'abandon de leurs droits sur le panage et la vente du parc de Bellou.
A. Original perdu.
B. Copie du xiiie s., Cartulaire de Saint-André de Gouffern, Archives du Calvados, H 6510, fol. 19, n° 76.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri nos litteras defuncti Roberti, filii comitis Leecestrie, inspexisse sub hac forma :
Robertus, filius comitis Leecestrie, universis Christi fidelibus salutem. Sciatis universi quod Radulfus de Sancto Hylario et Guillelmus frater ejus et Thomas nepos eorum vendiderunt michi et Petronille uxori mee apud Mesmouton pro septem libris et uno dextrario quicquid terre tenebant de me et de Petronilla, uxore mea, in bosco, in plano, inter cheminum Argentoni et forestam de Goffer et inter terras de Sefrevilla et boscum de Pele. Hoc ita facto, ego Robertus et Petronilla uxor mea dedimus totam prefatam terram et boscum, pro salute animarum nostrarum et sobolis nostre, abbati et monachis Sancti Andree ibi Deo servientibus, in liberam et puram et perpetuam elemosinam. Monachi vero predictis militibus de Sancto Hylario dederunt quadraginta libras andegavensium, quatinus donationem illam terre et nemoris sine contradictione eis in perpetuam elemosinam integre concederent, sicut eandem terram cum bosco dederamus eis in presenti carta confirmaveramus. Et ut sepedicti monachi hanc donationem nostram sine perturbatione heredum nostrorum et heredum antedictorum militum de Sancto Hylario in perpetuum teneant et possideant, presentis scripti testimonio et presentis sigilii mei attestatione, mea voluntate et prece militum, feci sigillari et confirmari. Hujus elemosine testes sunt Guillelmus abbas Lyre, Hugo capellanus, Robertus capellanus, Guillelmus de Diva, Guillelmus filius Galfridi, Guillelmus de Chyra, Godefridus de Quatremers, Benardus de Argentonio, Galterus de Bevreaus, Robertus de Raveton, Guillelmus de Cuncio et alii.
Nos autem donationem istam sicut prenotata est ratam habemus et concedimus, ita tamen quod prefati monachi in prefata terra et bosco non possunt hospites habere nec villam construere et quod terram illam reducant ad culturam. Preterea donamus monachis prefatis divine pietatis intuitu sex libras turonensium annui redditus, videlicet sexaginta solidos turonensium in singulis scacariis, percipiendos in redditibus nostris de Bellou, et ipsi monachi quitaverunt nobis quicquid reclamabant in pasnagio et venditione parci de Bellou. Que omnia ut robur perpetue stabilitatis optineant, presentem cartam sigilli nostri auctoritate et regii nominis karactere inferius annotato confirmavimus. Actum Parisius, anno dominice Incarnationis M° CC° quintodecimo, regni vero nostri XXXmoVII°, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. [Signum] Droconis constabularii. Data vacante cancellaria.