1215, du 1er décembre, au 9 avril 1216. — Paris.
Philippe Auguste ratifie un acte de Guillaume Menier, châtelain d'Étampes, de décembre 1215, par lequel celui-ci confirme la donation d'une maison et d'une rente faite par Menier d'Étampes, son oncle, aux Hospitaliers de Villeconin en faveur du chapelain desservant la chapelle de Fourchainville.
A. Original jadis scellé sur lacs de soie verte. Hauteur, 402 mm. ; largeur, 260 mm. Archives nationales, S 5128, liasse 115, n° 2, anciennement S 5126, n° 6.
Indiqué : E. Mannier, Ordre de Malte. Les commanderies du Grand-Prieuré de France, p. 45, d'après A ; J. Delaville Le Roulx, Cartulaire général de l'ordre des Hospitaliers de Saint-Jean de Jérusalem, t. II, p. 179, n° 1449, d'après A.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri nos inspexisse litteras dilecti et fidelis nostri Guillelmi Menerii sub hac forma : Guillelmus Menerii castellanus Stamparum omnibus ad quos littere presentes pervenerint salutem. Noveritis quod elemosinam illam quam Menerius de Stampis quondam avunculus meus donavit Deo et capelle de Fulchenvilla quam ipse fundavit tam de assensu persone ecclesie de Villa Conani quam de assensu fratrum Hospitalis ad quorum donationem ipsa ecclesia de Villa Conani cum dicta capella dinoscitur pertinere, gratam habeo in perpetuum et confirmo, videlicet quandam domum et quandam terram eidem domui contiguam et quatuor modios hybernagii et unum modium avene cumulatum ad mensuram Stamparum annis singulis percipiendos in granchia mea de Fulchenvilla ad opus capellani deservientis in dicta capella qui ibi tenetur facere continuum estagium, salvo jure parrochiali ecclesie de Villa Conani in tota villa de Fulchenvilla, preterquam in domo mea aut successorum meorum de qua idem capellanus oblationes et alia jura parrochialia solummodo percipiet ab omnibus illis qui in eadem domo manebunt. Donatio siquidem dicte capelle pertinet ad magistrum domus Hospitalis in Francia sicuti ecclesie de Villa Conani, ita tamen quod si capellanum dicte capelle mori contigerit aut facere resignationem ejusdem capelle, magister Hospitalis predictus tenetur eidem capelle de persona ydonea providere infra duos menses postquam ei fuerit insinuatum. Quod si infra dictum temporis spatium capellanum ydoneum ibi non posuerit, ego Guillelmus aut successores mei poterimus saisire omnes redditus capelle predicte et tenere in manu nostra quousque capellanus ydoneus ibidem fuerit institutus. Preterea ego Guillelmus dono in perpetuum et concedo capellano ejusdem capelle ibidem continuum estagium fatienti unum modium vini crescentis in vinea mea de Fulchenvilla pro remedio anime mee et antecessorum meorum et pro anniversario meo in eadem capella singulis annis fatiendo. Quod ut majus robur obtineat, presentes litteras sigilli mei impressione signavi. Actum Parisius, anno Domini M° CC° quintodecimo, mense decembri. Que omnia ut perpetue stabilitatis robur obtineant, presentem cartam sigilli nostri auctoritate et regii nominis karactere inferius annotato confirmamus. Actum Parisius, anno dominice Incarnationis M° CC° quintodecimo, regni vero nostri tricesimo septimo, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Droconis constabularii.
Data vacante (Monogramme) cancellaria.