1216, juin. — Compiègne.
Philippe Auguste confirme l'accord conclu entre l'abbé de Prémontré et les marchands utilisant l'Oise et les bourgeois de Chauny au sujet de l'élargissement de la rivière à la hauteur des moulins de l'abbaye sis à Sinceny et à Bailleul.
A. Original jadis scellé sur double queue. Hauteur, 135 mm. ; largeur, 135 mm. Bibliothèque nationale, ms. nouv. acq. lat. 2590, n° 48 (anciennement à Cheltenham, collection Th. Phillipps, vol. 23115, pièce n° 1).
a. Bulletin de la Société de l'histoire de Paris et de l'Ile-de-France, t. 30, 1903, p. 46, d'après A.
b. F. Gasparri, Études sur l'écriture de la chancellerie royale française, dans Bibliothèque de l'École des chartes, t. CXXVI, 1968, p. 326, n° 22, d'après A.
Philippus Dei gratia Francorum rex. Noverint universi presentes pariter et futuri quod cum mercatores transeuntes per fluvium Ysare et burgenses Calniaci conquererentur de difficultate transitus navium que erat juxta duo molendina ecclesie Premonstrati videlicet de Cincegni et de Bailloel, tandem ab abbate et conventu Premonstrati, ex una parte, et mercatoribus et burgensibus, ex parte altera, compromissum fuit in sex arbitros, videlicet Theodericum et Radulfum de Fara, Johannem et Petrum de Noviomo, Philippum et Theobaldum de Compendio. Ipsi autem communi assensu ordinaverunt quod li oelliers de Cincegni dilatabitur quinque pedibus ad pedem solee a superiori parte versus Condran, et ab inferiori parte tribus pedibus quantum pavimentum durat, et in fine quinque pedum ponetur signum, et in fine trium pedum ponetur alterum, et ab uno signo ad alterum ducetur ad lineam et ad plumbum. Ex altera vero parte poterunt facere canonici Premonstrati exclusam ligneam quinque pedum ad pedem solee in obliqum. Chiminum de Thoiriaco, quod de novo fecerunt canonici, tribus pedibus ad pedem manus ex utraque parte dilatabunt ad plumbum, et duobus pedibus approfundabunt in ea parte in qua profundius est, et ad mensuram illius profunditatis ducetur per totum, et in eodem chimino dilatabitur cursus aque in tribus locis duodecim pedibus ad profunditatem alterius et ad plumbum ex una parte, qua maluerint canonici, propter occursus navium ; que dilatatio habebit in longum decem thesias ad thesiam regis. Nos autem hoc quo arbitratum est ab eis ratum habemus et firmum. Actum apud Compendium, anno Incarnationis dominice millesimo ducentesimo sextodecimo, mense junio.