1216, [juillet ?]. — Pont-de-l'Arche.
Philippe Auguste confirme un accord conclu entre l'abbé et le couvent de Saint-Ouen de Rouen d'une part, et l'abbé et le couvent de Bonport de l'autre, au sujet du moulin de Poses et des dîmes du clos de Léry.
A. Original jadis scellé sur lacs de soie. Hauteur, 338 mm. ; largeur, 177 mm. Archives de la Seine-Maritime, fonds de Saint-Ouen, prieuré de Sigy, 14 H 851.
B. Copie du xive s., Cartulaire de Bonport, Bibliothèque nationale, ms. lat. 13906, fol. 35.
C. Copie du xve s., dans un vidimus du 9 juin 1426 émanant de Michel Durant, vicomte de Rouen, Archives de la Seine-Maritime, fonds de Saint-Ouen, prieuré de Sigy, 14 H 851, d'après A.
D. Copie informe du xviiie s., Archives de l'Eure, fonds de Bonport, H 193, d'après un original scellé.
a. L. Delisle, Cartulaire normand, p. 301, n° 1115, d'après A.
b. J. Andrieux, Cartulaire de l'abbaye royale de Notre-Dame de Bon-Port, n° xlvii, p. 49, d'après a.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod cum quedam contentio verteretur inter abbatem et conventum Sancti Audoeni Rothomagensis ex una parte, et abbatem et conventum Boni Portus Cisterciensis ordinis ex altera, super molendino de Posis et decimis de clauso de Lereio et quibusdam expensis quas predicti abbas et conventus Sancti Audoeni occasione hujus contentionis fecerant, tandem, bonorum virorum consilio, de utriusque partis assensu, quievit illa contentio tali modo, videlicet quod predicti abbas et monachi Boni Portus de cetero tenebunt et possidebunt libere et quiete predictum molendinum cum pertinentiis suis et prefatas decimas apud Lereium, ita quod propter hoc dicti abbas et monachi Boni Portus reddent inde prefatis abbati et monachis Sancti Audoeni annuatim sexaginta solidos usualis monete in Rothomago, scilicet triginta solidos infra octabas Sancti Remigii et reliquos triginta solidos infra octabas Nativitatis Sancti Johannis Baptiste. Predicti siquidem abbas et monachi Bonis Portus sponte subdiderunt se nobis in hac parte et firmiter concesserunt quod si ipsi vel eorum successores supradictis abbati et conventui Sancti Audoeni dictos sexaginta solidos statutis terminis non persolverent, nos vel ballivus noster abbati et monachis Sancti Audoeni dictum molendinum de Poses traderemus, tamdiu tenendum donec redditum sexaginta solidorum integre haberent. Sciendum est preterea quod predicti abbas et monachi Sancti Audoeni quieti erunt et absoluti de omni servitio et redditu quod pro predictis decimis de clauso de Lereio facere vel reddere solebant. Ut autem prenotata compositio perpetuam obtineat stabilitatem, nos ad petitionem partium presentem cartam sigilli nostri auctoritate et regii nominis karactere inferius annotato confirmamus. Actum apud Pontem Archie, anno dominice Incarnationis M° ducentesimo sexto decimo, regni vero nostri anno tricesimo septimo, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Droconis constabularii.
Data vacante (Monogramme) cancellaria.