1217, du 26 mars au 31 octobre. — Paris.
Philippe Auguste confirme la donation que Henri II, comte d'Eu, avait faite à la chapelle Saint-Thomas de Criel, et donne cette chapelle avec ses dépendances à l'église et aux chanoines de Notre-Dame d'Eu.
A. Original perdu.
B. Copie du xiiie s., Cartulaire du comté d'Eu, Bibliothèque nationale de France, lat. 13904, fol. 50 v°.
C. Copie du xviie s., Bibliothèque Sainte-Geneviève, ms. 2030, p. 255, d'après B.
[I]n nomine sancte et individue Trinitatis. Amen. Philippus Dei gratia Francie rex. Noverint universi presentes et futuri nos inspexisse cartam Henrici quondam comitis Augi sub hac forma :
Sciant omnes presentes et futuri quod ego Henricus, comes Augi, donavi et sigillo meo confirmavi in perpetuam elemosinam capelle Sancti Thome de Criolio, pro anima mea et pro anima Johannis, comitis Augi, patris mei, et pro anima comitisse Aelidis matris mee, et pro animabus omnium antecessorum meorum, in unaquaque septimana unam minam frumenti in molendinis meis de Criolio recipiendam singulis diebus veneris, liberam et quietam ab omni moltura post primum molentem omnibus illam recipientibus vel ementibus, et xvcim denarios unaquaque septimana recipiendos in vicecomitatu ejusdem ville singulis diebus veneris, et omnes [oblationes] ad eamdem capellam venientes, ita quod capella reddat episcopalia jura.
Nos igitur elemosinam prenominatam ratam haberi volentes, capellam prenominatam cum predictis pertinentiis suis concedimus ecclesie et canonicis Sancte Marie de Augo ordinem Sancti Victoris observantibus perpetuo possidendam. Quod ut perpetue stabilitatis robur obtineat, presentem cartam sigilli nostri auctoritate et regii nominis caractere inferius annotato confirmamus. Actum Parisius, anno dominice Incarnationis M° CC° VII° decimo, regni vero nostri XXXmo VIIIvo, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Droconis constabularii. Data vacante cancellaria.