1218, du 15 avril à juillet. — Paris.
Philippe Auguste confirme la vente faite par Anseau d'Ambelle, chevalier, et Contessia sa femme, aux moines de Saint-Martin-des-Champs à Paris, pour le prix de mille livres parisis, de leurs biens dans les diocèses de Beauvais et de Senlis et à Saint-Nicolas d'Acy, dépendant du fief de l'évêque de Senlis.
A. Original perdu, jadis scellé en cire verte sur lacs de soie rouge et verte et conservé aux archives de Saint-Nicolas d'Acy selon CD.
B. Vidimus des gardes des sceaux de la prévôté de Senlis du 7 septembre 1329, Archives départementales de l'Oise, fonds de Saint-Nicolas d'Acy, H 2578, pièce 7, d'après A.
C. Copie collationnée du 4 novembre 1646, Archives départementales de l'Oise, H 2578, pièce 8, d'après A.
D. Copie, en partie figurée, par Afforty, Collectanea Silvanectensia, tome XV, Bibliothèque municipale de Senlis, ms. 23, p. 354, d'après AB et leur copie dans le Cartulaire de Saint-Nicolas d'Acy aujourd'hui perdu, XIIIe partie, charte 11, et XIVe partie, charte 6, fol. 277.
a. J. Depoin, Recueil de chartes et documents de Saint-Martin-des-Champs, t. III, Abbaye de Ligugé/Paris, 1917, p. 355-356, n° 757, d'après B.
Texte établi d'après BC.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod Ansellus de Ambeelle miles, et Contessia, uxor ejus, vendiderunt monachis Beati Martini de Campis Parisius quicquid habebant in dyocesi Silvanectensi et Belvacensi et apud Sanctum Nicholaum de Aceyo juxta Silvanectum, videlicet domum sitam apud Sanctum Nicholaum, cum omnibus pertinentiis suis, et omnia alia que habebant in nemoribus, terris, pratis, fossatis, hospitibus, censibus, caponibus, usuariis, corveiis, blado, avena, furno, molendino et denariis et aliis quibuscunque possessionibus, nichil sibi omnino retinentes, nisi id juris quod habebant in aqua extra predicta fossata, et quatuor feoda militum, et denarios quos communia Silvanectensis eis debet de redditu annuali, et partem suam quam habebant in decima territorii Sancti Martini Silvanectensis, que de consensu dilecti et fidelis nostri episcopi Silvanectensis et consensu prioris et conventus Sancti Martini de Campis Parisiensis et prioris Sancti Nicolai et supradicti Anselli et uxoris ejus concessa est ecclesie Beate Marie Silvanectensi, perpetuo possidenda. Hec omnia supradicta cum omni justicia, viaria, et libertate que in eis habebant, dicti Ansellus et Contessia uxor ejus, de assensu Guidonis, filii eorum, et Radulphi vicedomini Silvanectensis, sororii dicti Anselli, vendiderunt predictis monachis pro mille libris parisiensium, et venditionem istam firmiter tenendam et contra omnes garandiendam, juramento prestito, firmaverunt. Quia vero hec omnia supradicta de feodo dilecti et fidelis nostri episcopi Silvanectensis movebant, ad peticionem dictorum A[nselli] et [Contessie], episcopus Silvanectensis sicut dominus feodi et judex ordinarius, de assensu et voluntate capituli sui Silvanectensis, voluit, concessit et laudavit et litteras super hiis confectas sigilli sui munimine fecit roborari. Nos vero predictam vendicionem ratam habentes, volumus et concedimus. Et ut hec omnia perpetue stabilitatis robur obtineant, in hujus rei testimonium presentem paginam sigilli nostri auttoritate et regii nominis karactere inferius annotato, ad peticionem utriusque partis, salvo jure nostro, confirmamus. Actum Parisius, anno Incarnacionis dominice millesimo ducentesimo octavo decimo, regni vero nostri anno tricesimo nono, astantibus in palacio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Droconis constabularii.
Data vacante (Monogramme) cancellaria.