1218, juillet. — Compiègne.
Philippe Auguste donne en fief à Robert de La Tournelle ce qu'il avait à Bonneuil-en-Valois, réserve faite de certains droits, et quatre muids de blé mesure de Crépy sur les moulins de Pontdron. En échange, Robert renonce à ses droits sur le comté de Clermont.
A. Original perdu.
B. Copie, formules abrégées, du xiiie s., Registre C de Philippe Auguste, fol. 60 v°.
C. Copie du xiiie s., Registre E de Philippe Auguste, fol. 210 v°, col. b, d'après B.
D. Copie du xiiie s., Registre F de Philippe Auguste, fol. 167 v°, d'après C.
E. Copie du xive s., Registre D de Philippe Auguste, fol. 78, d'après B.
F. Copie du xviiie s., Bibliothèque nationale, Collection de Picardie, vol. 245, fol. 112, d'après D.
a. G.A. de La Roque, Histoire généalogique de la maison de Harcourt, t. IV, p. 2185 (fragment).
Indiqué : L. Delisle, Cartulaire normand, p. 40, n° 260, d'après a.
Carta Roberti de Tornella.
Philippus Dei gratia Francorum rex etc. Notum etc. quod nos dilecto et fideli nostro Roberto de Tornella et heredibus suis dedimus in feodum et hominagium ligium quicquid habebamus apud Bonolium, excepto hoc quod moltam hominum Bonolii nobis retinemus et redditum ac justitiam bateitii, ita quod homines Bonolii habebunt in eodem bateitio usuarium suum sicut illud habere solent, reddendo quod inde reddere solent, et dictus Robertus et heredes sui habebunt ibidem quite et libere usuarium suum ad opus domus sue de Bonolio et bestiarum suarum ejusdem domus, salvo eo quod ibidem facere non poterunt essartum. Dictus autem Robertus et heredes sui non poterunt facere molendinum apud Bonolium nec ad aquam nec ad ventum nec ad equos nec alio modo. Dedimus etiam dicto Roberto et heredibus suis magnum deffensum Bonolii et id quod in parvo deffenso Bonolii habebamus quod vocatur La Boeloye ad vendendum quando voluerit et fatiendum voluntatem suam, et quatuor modios bladi ad mensuram Crispiaci percipiendos singulis annis in molendinis nostris de Pont Le Roont in natali Domini. Ipse autem Robertus pro se et heredibus suis quitavit propter hoc nobis et heredibus nostris in perpetuum quicquid ipse et heredes sui expectabant habendum jure hereditario in eschaeta comitatus et terre Clarimontis. Quod ut perpetuum etc. Actum Compendii, anno Domini M° CC° XVIII°, mense julio.