1218, de juillet à octobre. — Compiègne.
Philippe Auguste confirme une charte de Goubert, seigneur de Clacy et vidame du Laonnois, datée de juillet 1218, par laquelle ce dernier abandonne à perpétuité à Anselme, évêque de Laon, et à ses successeurs, moyennant six cents livres provinoises, les droits qu'il avait à Anizy-le-Château, à Pouilly, à Septvaux et à Versigny.
A. Original scellé sur lacs de soie rouge et verte, jadis conservé aux archives de l'évêché de Laon, layette 11, liasse 3e, n° 3, selon D, aujourd'hui perdu.
B. Copie du xiiie s., Petit cartulaire de l'évêché de Laon, Archives de l'Aisne, G 1, fol. 9, n° 12.
C. Copie du xive s., Grand cartulaire de l'évêché de Laon, Archives de l'Aisne, G 2, fol. 20, n° 26.
D. Copie par dom Grenier, Bibliothèque nationale, Collection Moreau, vol. 123, fol. 211, d'après A.
E. Copie collationnée par dom Grenier, Bibliothèque nationale, Collection Moreau, vol. 124, fol. 199, d'après A.
F. Copie du xviiie s., Bibliothèque nationale, Collection de Picardie, vol. 245, fol. 115, d'après A.
Texte établi d'après BDE.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri nos inspexisse litteras Goberti, vicedomini de Laudunesio, sub hac forma :
Ego Gobertus, dominus de Claci et vicedominus Laudunesii, notum facio omnibus presentes litteras inspecturis quod cum ego vendidissem absolute et generaliter venerabili patri ac domino meo Anselmo, Dei gratia Laudunensi episcopo, quicquid habebam vel habere poteram apud Anisi et Poelli et dominatus eorum et apud Sesvax et Vercegni et potestates eorum ratione vicedominatus vel alio modo, tam custodiam prisonum quam omnes redditus et justicias et omnia prorsus alia que habebam et habere poteram in quatuor dictis villis, pro ducentis libris pruviniensium, ad vitam suam habenda integre et tenenda, postmodum vendidi et werpivi, nichil mihi vel heredibus meis penitus retinendo, eidem Anselmo episcopo Laudunensi pro sexties centum libris pruviniensium ab ipso episcopo et ejus successoribus in perpetuum predicta omnia possidenda, habenda integre et tenenda. Quam venditionem Radulphus clericus et Girardus laicus, fratres mei, Petronilla de Monte Mortuo et Sarracena de Hostello, sorores mee, et Maria, uxor mea, laudaverunt spontanei et approbaverunt coram illustri domino Philippo rege Francorum, qui etiam omnes tam fratres quam sorores et Maria, uxor mea, predicti, juramento corporaliter prestito, firmaverunt quod super omnibus supradictis que vendidi episcopo memorato nec per se nec per alium de cetero reclamabunt. Guido etiam de Monte Mortuo, maritus dicte Petronille sororis mee illud idem per suas patentes litteras approbavit. Predicta autem omnia facta sunt salvo in omnibus jure episcopi sepedicti et successorum ipsius, et salvo servitio a me et heredibus meis debito episcopo Laudunensi. Que ut rata et inconcussa permaneant, presentes litteras tradidi predicto episcopo sigilli mei munimine roboratas. Actum anno Domini M° CC° octavo decimo, mense julio.
Cum autem vicedominus predictus et fratres ac sorores ejus et Maria uxor dicti vicedomini venditionem istam sicut prenotata est spontanea voluntate coram nobis laudaverint, nos in hujus rei memoriam et testimonium ad petitionem omnium predictorum presentem cartam fecimus sigillo nostro sigillari, regii nominis karactere inferius annotato insignitam, ita quod si contingeret quod vicedominus vel fratres vel sorores sive uxor vicedomini dicte contrairent venditioni, nos assignaremus ad quicquid dictus vicedominus teneret de nobis et tamdiu illud in manu nostra teneremus quousque id esset plenius emendatum. Actum Compendii, anno dominice Incarnationis M° CC° octavo decimo, regni vero nostri tricesimo nono, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Mathei constabularii.
Data vacante (Monogramme) cancellaria.