1218, septembre. — Compiègne.
Philippe Auguste confirme la donation faite par Gaucher de Bar à la maison de Saint-Michel de l'Ermitage, en août 1218, d'une foire d'un jour le jour de la saint Michel.
A. Original, jadis scellé de cire jaune sur double queue selon B. Hauteur, 157 mm. ; largeur, 156 mm. Archives départementales de l'Aube, Fonds de Clairvaux, Titres de Beauvoir, 3 H 3576.
B. Copie du 17 janvier 1606, par le sergent royal au baillage de Chaumont, Archives départementales de l'Aube, Fonds de Clairvaux, 3 H 3575, d'après A.
a. Abbé Lalore, Collection des principaux cartulaires du diocèse de Troyes, t. 3, n° 10, p. 183, d'après A.
Philippus Dei gratia Francorum rex universis presentes litteras inspecturis salutem. Noveritis nos litteras dilecti et fidelis nostri Galcheri de Barro super Secanam inspexisse sub hac forma :
Ego Galcherus de Barro super Secanam notum facio omnibus tam futuris quam presentibus presentes litteras inspecturis quod concessi nundinas unius diei domui Sancti Michaelis de Campis site in terra mea juxta Puteolum in festivitate Sancti Michaelis, quacunque die inciderit, ita quod si festum inciderit et advenerit in die sabbati forum ibit ad domum dictam et omnes redditus ibunt in profectum dicte domus absque contradictione, et pro posse meo in conductu accipio euntes et redeuntes ad dictas nundinas sicut illos qui ad forum Puteoli vadunt et veniunt, tali tamen apposita pactione quod mihi tam magna quam parva justicia remanebit et conservatio nundinarum. In cujus rei testimonium litteras istas sigillo meo feci communiri. Actum anno Domini M° CC° octavodecimo, mense augusto.
Nos vero supradictam concessionem volumus et approbamus, saluo tamen jure alieno. Actum apud Compendium, anno Domini M° CC° octavodecimo, mense septembri.