1219, mars. — Pontoise.
Philippe Auguste accorde aux lépreux de Creil et à leur chapelain les mêmes revenus que leur avait donnés le comte de Clermont Raoul.
A. Original perdu.
Ancienne version française : copie du xive s., Cartulaire du comté de Clermont, Bibliothèque nationale, ms. franç. 4663, fol. 96 ; copie partielle du xviie s., Bibliothèque nationale, Collection Dupuy, vol. 804, fol. 50 ; copie du xviiie s., Bibliothèque nationale, Collection de Picardie, vol. 245, fol. 124, d'après le Cartulaire cité ci-dessus. Publiée partiellement par E. de Lépinois, Recherches historiques et critiques sur l'ancien comté de Clermont-en-Beauvoisis, p. 492, n° XCIX (cf. p. 94 du même ouvrage).
Phelippes par le grace de Dieu roys des Frans. Aront congnust tout que nous a le sustentacion dez mesiaus de Creeilg avons otroié a ychaus le dime de nostre pain quant longuement nous arons fet demeure a Creeilg ou en le chastelerie de Creeilg. Adechertez a le sustentacion dou chapelain des mesiax de Creeilg servant en propre personne avons otroié .iij. muis de fourment a penre de an en an en le rente de Pont, dou premier cuelliu, et .iij. muis de vin a penre par senglez ans en le rente dou vin de Pont, dou premier cuelliu, et lxi sous parisis a penre de an en an en iij termes en l'an ou travers dou chastel de Creeilg, et .ij. minez de leun au prenre en nostre grange de Creeilg ou mois d'aoust per senglez ans. Adechertez nous avons otroié a ychelli prestre le mort boz a ardoir en nostre forest de Ponmeroie. Et assavoir que li chapelains devant dis ne porra avoir vicairie ne autre rente en autre eglise que en l'eglise dez mesiaus. Adechertez nous volons et otroions lez aumosnez devant ditez faitez de Raoul contez de Clermont si comme il est contenu en charte le conte devant dit, le quelle nous avons veu seur les premissez seelleez dou seel d'ichelli conte. En memoire et temongnage de laquelle chose nous avons fet garnir chez presentez lettrez de nostre seel. Fait à Pontoise, en l'an de nostre Seignor mil ijc xviij, ou mois de mars.