1219, mars. — Saint-Germain-en-Laye.
Philippe Auguste fait savoir que l'église Notre-Dame de Paris a cédé aux habitants de Moret, en échange de leurs droits d'usage dans ses bois de la prévôté de Vernon, cinq cents arpents de bois à défricher, moyennant quatre deniers provinois de cens par arpent et la onzième gerbe à titre de dîme.
A. Original, jadis scellé sur double queue. Hauteur, 200 mm. ; largeur, 190 mm. Archives nationales, S 275, n° 76.
B. Copie du xiiie s., Grand pastoral de l'église de Paris, Archives nationales, LL 76, p. 249.
C. Vidimus par le garde de la prévôté de Moret du 18 septembre 1310, Archives nationales, S 275, n° 77, d'après A.
a. B. Guérard, Cartulaire de l'église Notre-Dame de Paris, t. II, p. 210, d'après B.
Philippus Dei gratia Francorum rex. Noverint universi presentes pariter et futuri quod, cum castellum nostrum de Moreto haberet usuarium suum in omnibus nemoribus Beate Marie que sunt in prepositura Vernoti, homines ejusdem castelli, coram nobis constituti, quitaverunt idem usuarium ecclesie Parisiensi in perpetuum. Eadem vero ecclesia dedit de ipsis nemoribus predicti castelli hominibus quingentos arpennos ad extirpandum, ad perticam nostram ; ita tamen quod de singulis arpennis ejusdem terre reddent annuatim capitulo Parisiensi quatuor denarios Pruvinenses de censu, in crastino Omnium Sanctorum, et, si non redderent censum illum, secundum consuetudinem terre emendarent. Reddent eciam predicte ecclesie undecimam garbam, nomine decime, tali modo : quod quilibet illorum hominum, quando ligaverit garbas suas, vocabit ad numerandum eas per servientem ecclesie Parisiensis, si eum possit invenire in campis illis ; sin autem, mittet Vernotum ad domum prepositi, ut veniat serviens ejus numerare garbas illas. Quod si nec in campis, nec in villa Vernoti possit inveniri serviens ecclesie, licebit hominibus inde asportare garbas illas de terra predicta, decima relicta in campo, bona fide ; et si non crederetur quod justam decimam reliquissent, quando redderent censum ejusdem terre, fidutiarent quod justam decimam bona fide reliquissent. De venditionibus sive laudationibus fatient secundum consuetudines territoriorum. Quod ut perpetue stabilitatis robur obtineat, nos, ad petitionem tam capituli Parisiensis quam hominum castelli de Moreto, quitationem et conventiones predictas concedimus et approbamus, et presentem cartam sigilli nostri auctoritate confirmamus. Actum apud Sanctum Germanum in Laya, anno Domini M° CC° octavodecimo, mense marcio.