1219, mars. — Vernon.
Philippe Auguste confirme l'accord conclu entre Robert, évêque du Puy, et les citoyens de cette ville au sujet des droits et des devoirs de ces derniers.
A. Original perdu.
B. Copie, formules abrégées, du xiiie s., Registre C de Philippe Auguste, fol. 121 v°.
C. Copie du xiiie s., Registre E de Philippe Auguste, fol. 86 v°, d'après B.
D. Copie du xiiie s., Registre F de Philippe Auguste, fol. 64, d'après C.
E. Copie du xive s., Registre D de Philippe Auguste, fol. 164 v°, d'après B.
F. Copie du xviie s., Bibliothèque nationale de France, Collection Duchesne, vol. 78, fol. 228, « ex bibliotheca defuncti parentis mei ».
G. Copie du xviie s., Bibliothèque nationale de France, fr. 20367, fol. 14 v°, d'après un « registre des chartes de Philippe Auguste et de Louis son père ».
H. Copie du xviiie s., Bibliothèque nationale de France, Collection de Languedoc, vol. 78, fol. 223, d'après a.
a. É. Baluze, Miscellanea, t. VII, p. 336, d'après C.
b. E. Medicis, Le Livre de Podio, éd. A. Chassaing, t. I, p. 208, d'après a.
Indiqué : Répertoire des titres de l'évêché du Puy, Archives départementales de la Haute-Loire, G 1.
Indiqué : Inventaire analytique de trois cartulaires de l'évêché du Puy, Archives départementales de la Haute-Loire, G 2, « fol. 5 v°, d'après le 1er Livre des compositions de l'évêché du Puy, aujourd'hui perdu, fol. 5 ».
Indiqué : Bibliothèque nationale de France, Collection de Languedoc, vol. 39, fol. 283 v°, d'après l'Inventaire des titres de l'évêché du Puy, fol. 12.
Indiqué : F. Bochart de Saron, Histoire de l'église angélique de Nôtre-Dame du Puy, Le Puy, 1693, p. 277 (avec la date d'octobre 1217).
Indiqué : A. Molinier, Histoire générale de Languedoc…, t. VI, Toulouse, 1872, p. 526.
Indiqué : A. Jacotin, Preuves de la maison de Polignac. Recueil de documents…, t. I, Paris, 1898, p. 42 (d'après l'Inventaire analytique cité ci-dessus) et p. 104 (d'après b).
Texte établi d'après B.
Carta civium de Podio.
Philippus Dei gratia Francorum rex etc. Notum etc. quod cum discordia esset inter dilectum consanguineum et fidelem nostrum Robertum episcopum Aniciensem ex una parte et cives Anicienses ex altera, tandem de consensu partium sopita est coram nobis in hunc modum. Si aliqua collecta fuerit facienda vel propter nos vel propter communem utilitatem ville Aniciensis, ita tamen quod non sit pro facienda guerra contra nos vel ecclesiam Aniciensem, cives Anicienses eam facient, ita quod si episcopus Aniciensis voluerit scire summam illius collecte vel nos, cives tenentur certificare episcopum si voluerit et nos si voluerimus de summa collecte per juramentum levancium collectam, et ipsi non possunt levare aliquid ultra summam illam et ultra competentes expensas. Episcopus debet mittere servientem suum ad levandum talliam si exinde fuerit requisitus ; et si episcopus requisitus, vel mandatum ejus si forte episcopus esset extra regnum, nollet mittere servientem suum ad levandum collectam, cives Anicienses ad nos vel ad ballivum nostrum qui esset in Alvernia possent habere recursum ut mitteretur ibi serviens ad levandam collectam. Et sciendum quod cives Anicienses possunt habere sigillum in quo possunt sigillare litteras mittendas domino pape vel nobis vel alii pro communi utilitate ville, vel etiam litteras de mutuo faciendo pro communi utilitate ville. Contractus autem alios et ea que facerent prejuditium nobis vel episcopo vel ecclesie Aniciensi non possunt sigillare illo sigillo. Preterea sciendum quod cives Anicienses nunc habentes territoria in civitate Aniciensi tenebunt eadem territoria in omnibus sicut ea tenuerunt ipsi vel eorum antecessores per XL annos retroactos quiete et pacifice. Cives autem debent exercitus et cavalcatas episcopo Aniciensi pro deffensione et obsidione castellorum que tenet episcopus in manu sua de nobis. Preterea idem cives debent episcopo predicto exercitus et cavalcatas contra predones viarum et raptores manifestos pro forisfactis perpetratis contra ecclesias et domos religiosas quando illi qui pacem juraverint ibunt cum eis. Quod si illi qui pacem juraverint nollent ire pro vindicta dictorum forisfactorum, vel si pax forte non esset jurata, episcopus bona fide submoneret omnes illos qui debent ei exercitus et cavalcatas nec eos poterit pro pecunia exinde relaxare, et cum illis sepedicti cives ire tenentur cum episcopo pro predonibus viarum et raptoribus manifestis et forisfactis perpetratis contra ecclesias et domos religiosas vel mittere quilibet eorum focum habens unum servientem sufficientem pro se si personaliter ire noluerit ; et si contingeret quod illi qui debent exercitus et cavalcatas episcopo Aniciensi non venirent ad submonitionem episcopi, cives Anicienses nichilominus ire tenerentur cum episcopo, et episcopus debet secundum legem patrie levare emendam tam a civibus Aniciensibus quam ab aliis debentibus ei exercitus et cavalcatas qui non venerint ad ejus submonitionem. Episcopus eciam tenetur civibus ad deffensionem eorum et rerum suarum bona fide ubicumque potestatem habeat et ubicumque eos ducet. Cives Anicienses fortericias, municiones, muros, clausuras et fossata facta inter claustrum Aniciense et civitatem Aniciensem occasione hujus guerre tenentur diruere ita quod non oporteat propter hoc domos eorum factas dirui. Balistarie eorum de novo facte propter guerram penitus obstruantur. Nullus presumat clamare ad arma contra servientes episcopi qui ejus jurisdictionem exercebunt ; et qui hoc attemptare presumpserit per judicium curie episcopi emendabit. Si episcopus traxerit in curia sua aliquos vel aliquem vel universitatem pro forisfacto aliquo, universi et singuli debent coram episcopo respondere et episcopus tenetur diffinire causam illam secundum consuetudines hactenus observatas. Quod si non fecerit, cives possunt appellare ad nos et episcopus debet supersedere et respondere coram nobis super hiis que ad nos spectant. Conspirationes aut conjurationes vel consules non possunt facere cives Anicienses contra nos nec contra episcopum nec ecclesiam Aniciensem quamdiu episcopus et ecclesia Aniciensis erga nos se habuerint sicut debebunt. Si latro vel multrarius vel predo vel homicida sit in claustro Aniciensi, cives Anicienses si velint nuntiabunt episcopo vel ejus ballivo ut illum capiat quando claustrum vel locum sanctum exibit. Quod si episcopus vel ejus ballivus facere noluerit, cives eumdem latronem vel multrarium vel predonem seu homicidam capere poterunt si voluerint quamcito exibit de claustro vel de loco sancto ut eum justitiandum ducant ad episcopum vel ejus ballivum. Episcopus autem vel ejus ballivus latronem, multrarium, predonem et homicidam capere poterit ubicumque eum invenerit extra locum sanctum et de eo tenetur facere justitiam. Universitas civitatis Aniciensis non potest facere exercitum nec equitationem nisi per nos vel per episcopum Aniciensem. Sed si aliquis civium Aniciensium voluerit aliquos ducere ad juvandum aliquem amicorum suorum, dum tamen hoc non sit contra nos vel episcopum vel ecclesiam Aniciensem, id ei licebit. Hec autem omnia bona fide ab utraque parte firmiter in perpetuum observentur, salvo in omnibus jure nostro et salvis appellationibus ad nos faciendis et salvis privilegiis episcopo et ecclesie Aniciensi a nobis et antecessoribus nostris indultis. Quod ut perpetue stabilitatis robur etc. Actum Vernone, anno Domini M° CC° XVIII°, mense marcio.