1219, du 1er au 6 avril. — Pont-de-l'Arche.
Philippe Auguste confirme l'échange intervenu entre Robert de Poissy et Jean de Moret, son frère, de divers biens sis à Radepont.
A. Original perdu.
Ancienne traduction française, copie du xvie s., Archives de l'Eure, série E, chartrier de Radepont, Registre coté 44, 26e liasse, fol. 2 v°, seconde lettre, d'après « un viel roolle en parchemin ».
Philippes par la grace de Dieu, roy de France. Sçavoir faisons a tous et ung chacun presentz et advenir que nostre bien aymé et fidelle serviteur Robert de Poissi a quitté et delaissé a jamays a son frere Jehan de Moret c'essçavoir l'herbage ou pasturage de Radepont assis dessoubz la forteresse et chateau et toult le pourprins ainsi que le fossé de ladite forteresse ou chateau se comporte jusques a l'eaue et les grandes places ou cours pres de la grange dudit herbage ou pasturage ente la montaingne et la riviere. Et pour icelluy quitement ledit Jehan de Moret a donné a sondit frere Robert six vingt livres parisis et mesmes ausi il a quitté a jamais l'herbage de Fomichon et le jardin et les places a iceluy appartenantes. Et pour ceste cause a celle fin que ces presentes sortent en leur plain effect et valeur, a la priere et supplication tant dudit Robert que dudit Jehan, touttefoys sauf nostre droit et service, nous avons signé ces presentes et confermé de noz seaux. Faict et donné au Pont de l'Arche, l'an de Nostre Seigneur mil CC et huict, le dixiesme d'apvril.