1219, du 7 avril au 31 octobre. — Compiègne.
Philippe Auguste donne à Robert de Los, son chevalier, et à son héritier le manoir de Bois-Arnault avec des biens d'un revenu de cent livres tournois dont une partie avait appartenu à Arnaud du Bois.
A. Original perdu.
B. Copie, formules abrégées, du xiiie s., Registre C de Philippe Auguste, fol. 123 v°.
C. Copie du xiiie s., Registre E de Philippe Auguste, fol. 218, d'après B.
D. Copie du xiiie s., Registre F de Philippe Auguste, fol. 175, d'après C.
E. Vidimus de mai 1270, par Mathieu, abbé de Saint-Denis, et Simon de Nesle, lieutenant du roi, Archives nationales, J 396, n° 4.
F. Copie du xiiie s., Registre G de Philippe Auguste, n° 44, d'après D.
G. Copie du xive s., Registre D de Philippe Auguste, fol. 167 v°, d'après B.
a. L. Léchaudé d'Anisy, Grands rôles de l'Échiquier de Normandie, p. 158, d'après F.
b. L. Delisle, Cartulaire normand, p. 338, n° 1220, d'après E.
c. A. Le Prévost, Mémoires et notes pour servir à l'histoire du département de l'Eure, t. I, p. 347, d'après E.
d. A. Teulet, Layettes du Trésor des chartes, t. I, p. 490, n° 1365, d'après E.
Indiqué : Charpillon, Dictionnaire historique de toutes les communes du département de l'Eure, t. I, p. 382.
Texte établi d'après BE.
Carta Roberti de Los.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod nos dilecto et fideli militi nostro Roberto de Los, propter ejus servicium, et heredi suo masculo de uxore sua desponsata, damus et concedimus in feodum et hominagium ligium herbergagium Bosci Arnaldi et centum libratas terre ad turonenses annui redditus, quas ei assignari fecimus in hiis rebus que subscribuntur, videlicet : in censibus qui fuerunt Arnaldi de Bosco, novem libras et septem solidos et duos denarios, qui census sunt apud Boscum Arnaudi et apud Rugles ; census terrarum de Valle Ogeri, quadraginta et duos solidos ; census et avena de Chaablo juxta Gloz, quadraginta et septem solidos et sex denarios ; apud Gloz et apud Boscum Hugonis, quinque sextaria avene, viginti solidos ; Hamericus de Maneres, quindecim solidos ; Rogerus Machon, quindecim solidos ; prata de Riparia super Risle, quadraginta quinque solidos ; lande foreste, viginti quinque solidos, scilicet ille que fuerunt Ernaldi de Bosco ; feodum de Blondelera, viginti solidos ; prata de Valle Ogery, decem solidos ; furnum et molendinum de Rugles, que fuerunt Ernaldi de Bosco, decem et novem libras ; boscus de Chaable, sexaginta solidos ; pro viginti duobus caponibus Bosci Ernaldi, septem solidos et quatuor denarios ; Richardus de Auvergnay et Radulfus Juvenis, quatuor libras piperis que valent octo solidos ; census de Bosco Ernaldi, qui est apud Britolium, duodecim solidos ; Gilibertus Flory, qui est apud Lyram, duodecim denarios ; terra de Landa Petrosa, sicut Osbertus Giffardus illam tenuit, octo libras ; terra et boscus de Gooudera, que fuerunt Guillelmi Goout, sicut dictus Guillelmus illa tenebat, septem libras ; terra de Bosco Normanni, sicut Rogerus de Portis illam tenebat, sexaginta solidos ; terra Halyday, quadraginta quinque solidos ; domanium cum corveiis de Bosco Ernaldi, centum solidos ; apud Gloz, in prepositura, triginta libras que fuerunt Arnaldi de Bosco. Nos autem omnia predicta dicto Roberto de Los et heredi suo masculo de uxore sua desponsata damus et concedimus in feodum et hominagium, reddendo inde nobis servicium quod predicta debent ad usus et consuetudines Normannie, hoc excepto quod feoda predictarum partium nobis et heredibus nostris in perpetuum retinemus. Quod ut perpetuum robur obtineat, sigilli nostri auctoritate et regii nominis karactere inferius annotato presentem paginam precepimus roborari. Actum Compendii, anno ab Incarnatione Domini M° CC° nono decimo, regni vero nostri anno quadragesimo, astantibus in palatio nostro quorum nomina subtitulata sunt et signa. Dapifero nullo. Signum Guidonis buticularii. Signum Bartholomei camerarii. Signum Mathei constabularii. Data vacante (Monogramme) cancellaria.