1219, juin. — Péronne.
Philippe Auguste fait connaître quels biens et quels droits Jean, maire d'Athies, a exceptés de la vente faite par lui au maire et à la commune de cette ville.
A. Original perdu.
B. Copie, formules abrégées, du xiiie s., Registre C de Philippe Auguste, fol. 53.
C. Copie du xive s., Registre D de Philippe Auguste, fol. 66, d'après B.
D. Copie du xviiie s., Bibliothèque nationale, Collection de Picardie, vol. 244, fol. 234 v°, d'après C.
Notum etc. quod Johannes, major de Athyes, vendidit et quitavit coram nobis majori et communie de Athyes omne jus et justiciam quam habebat in villa de Athyes sicut in carta quam dedimus majori et communie de Athies plenius continetur. Et hec sunt que idem Johannes sibi et heredibus suis retinuit : videlicet maneria sua et hortos suos quos habet ante portam suam et hostisias suas cum caponibus et denariis de introitibus et exitibus quando venduntur, et de quolibet carnifice de Athyes unum membrum porci quolibet anno sibi et heredibus suis reddendum. Retinuit etiam de qualibet muliere domini regis de Athyes que numquam maritum habuit XII denarios quando maritatur, de illis scilicet mulieribus de quibus illos habere solebat. Retinuit preterea foragium et civagium ejusdem ville et quartam partem furni ville et cressoneriam suam et hortos quos tenet et totam terram suam de Campis et prata sua, que omnia tenet de nobis ligie faciendo nobis et heredibus nostris servitium sicut debet ad usus et consuetudines patrie. Quod ut perpetuum etc. Actum Perone, anno Domini M° CC° XIX°, mense junio.