1219, du 1er novembre, au 28 mars 1220. — Paris.
Philippe Auguste confirme la sentence rendue à sa demande par Guérin, évêque de Senlis, au sujet du droit d'usage dans le bois de Teillé revendiqué par l'abbesse de Fontevraud à l'encontre de l'archevêque de Tours.
A. Original aujourd'hui perdu, conservé au temps de Léopold Delisle aux Archives d'Indre-et-Loire, fonds de l'Archevêché.
B. Copie par L. Delisle, Académie des Inscriptions et Belles Lettres, dossiers des chartes et diplômes, d'après A.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri nos inspexisse litteras karissimi et fidelis nostri Guarini, Silvanectensis episcopi, sub hac forma :
Guarinus Dei gratia Silvanectensis episcopus universis presentes litteras inspecturis salutem et sinceram in Domino karitatem. Noveritis quod cum inquisitionem de mandato domini regis factam per abbatem Majoris Monasterii et Terricum de Galardone, senescallum Turonie, super usagio quod Berta abbatissa et conventus Fontis Ebraudi petebant in forum de Tilleio adversus venerabilem patrem Johannem Turonensem archiepiscopum recepissemus loco domini regis in ipso processuri negotio juxta quod partes compromiserunt in hoc quod dominus rex secundum eandem inquisitionem faceret ordinari, comparentibus coram nobis Bobone presbitero et fratre Fontis Ebraudi, procuratore abbatisse et conventus sufficienter munito, generali vero procuratore Turonensis archiepiscopi Bernardo de Hactavalle cantore Turonensi ad cautelam, se ad penam centum marcarum abbatisse et conventui reddendarum astringente si dominus archiepiscopus quod de hac contentione coram nobis fieret ratum non haberet, et de hoc servando eodem cantore preposituram suam de Seint Berein quam tenet de domino rege ponente in ostagium, fidem etiam in manu nostra dante quod occasione hujus querele neminem de cetero trahet in placitum ecclesiasticum vel seculare, predicte inquisitionis attestationibus diligenter inspectis et fideliter publicatis, prudentum virorum communicato consilio, sententialiter duximus sufficienter esse probatum quod abbatissa et conventus prefati habent libere et quiete et sine ullius liberatione chaufagium suum in bosco de Tilleio, in eo videlicet loco ubi alii usuagiarii capiunt ad duos asinos, in domo suo de Ponte Chinonis, et usagium per liberationem forestariorum ad omnia necessaria ipsius pontis, et palos per liberationem forestariorum similiter ad exclusas, interveniente tamen vimario, ita quod abbatia Fontis Ebraudi in capite suo in eodem bosco nullum penitus usuagium obtinebit. Unde nos hanc nostram sententiam sic prolatam, adjudicantes dictis abbatisse et conventui chaufagium et usuagium eo modo quo prescriptum est ex parte domini regis, partibus precipimus inviolabiliter de cetero observare. Ad majorem autem firmitatem et evidentiam pleniorem presentem cartam fieri fecimus et sigilli nostri appositione muniri. Actum Parisius, anno Domini M° CC° nono decimo, mense novembri.
Ut autem premissa perpetue stabilitatis robur obtineat, presentem cartam sigilli nostri auctoritate et regii nominis karactere inferius annotato salvo jure nostro confirmamus. Actum Parisius, anno dominice Incarnationis M° CC° nono decimo, regni vero nostri quadragesimo primo, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Mathei constabularii. Data vacante (Monogramme) cancellaria.