1219, novembre. — Paris.
Philippe Auguste confirme un accord conclu entre Robert, évêque du Puy, et Ponce de Montlaur ; l'évêque et le seigneur lèveront un péage sur la voie publique près du château de Charbonnier que l'évêque pourra fortifier ; le seigneur de Montlaur est tenu de protéger les marchands depuis la Souche et depuis Largentière jusqu'au Puy. Ponce a donné des cautions à Archambaud de Bourbon pour le roi, et a fait hommage à ce dernier pour les châteaux de Montbonnet, de Mirmande, de Vabres, d'Agrain, de Montauroux et du Chambon.
A. Original perdu.
B. Copie, formules abrégées, du xiiie s., Registre C de Philippe Auguste, fol. 124.
C. Copie du xiiie s., Registre E de Philippe Auguste, fol. 137 v°, d'après B.
D. Copie du xiiie s., Registre F de Philippe Auguste, fol. 108 v°, d'après C.
E. Copie du xive s., Registre D de Philippe Auguste, fol. 168 v°, d'après B.
F. Copie partielle du xviie s., Bibliothèque nationale, ms. franç. 20367, fol. 14 v°, d'après un registre des chartes de Philippe Auguste et de Louis son père.
G. Copie partielle du xviiie s., Bibliothèque nationale, Collection de Languedoc, vol. 78, fol. 229 v°, d'après C.
Indiqué : Inventaire des cartulaires de l'évêché du Puy, du xvie s., Archives départementales de la Haute-Loire, G 2, fol. VI, d'après le Ier Livre des compositions de l'évêché du Puy, aujourd'hui perdu
Indiqué : Bibliothèque nationale de France, Collection de Languedoc, vol. 39, fol. 283 v°, d'après un inventaire des titres de l'évêché du Puy, fol. 15.
Indiqué : Gallia christiana, éd. de 1652, t. III, col. 916, et éd. de 1720, t. II, col. 709.
Indiqué : F.-T. Bochart de Saron, Histoire de l'église angélique de N.-D. du Puy, p. 278, d'après l'ouvrage précédent, éd. de 1652.
Indiqué : M. Fazy, Les Origines du Bourbonnais, p. 424, n° 584.
Adaptation : Le texte de l'acte de Philippe Auguste est repris avec les adaptations qui s'imposaient dans les engagements correspondants de Ponce de Montlaur et de Robert, évêque du Puy, donnés à la même date, originaux, Archives nationales, J 304, n° 50, et J 338, n° 2, publiés par A. Teulet, Layettes du Trésor des chartes, t. I, p. 491 et p. 492, nos 1370 et 1371, et par J. Monicat, Chartes du Bourbonnais, p. 85 et p. 87, nos 60 et 61 (L. Delisle, Catalogue des actes de Philippe-Auguste, nos 1934 et 1935).
Notum etc. quod hec est forma pacis facte coram nobis inter dilectum consanguineum et fidelem nostrum Robertum episcopum Aniciensem ex una parte et Poncium de Monte Lauri ex alia, videlicet quod ad petitionem et consensum episcopi memorati concessimus eidem episcopo et successoribus suis et Poncio Montis Lauri et heredibus suis quoddam pedagium levandum in strata publica juxta castrum de Charbonier, in eo loco ubi strata proximior est dicto castro ; et ibidem scilicet in strata publica fiet borda communis ad levandum pedagium, salva eidem episcopo justicia sua ejusdem loci et jure suo, ita quod ibidem nulla poterit construi fortericia. Sic autem levabitur dictum pedagium per episcopum Aniciensem et Poncium Montis Lauri et eorum successores : de qualibet grossa bestia que portabit trossellum vel mercaturam levabuntur quindecim claromontenses qui valent triginta podienses ; et de qualibet parva bestia que deferet sal vel bladum levabuntur tres podienses ; de quibus omnibus capiet dictus episcopus terciam partem et Poncius Montis Lauri duas partes. Et illud pedagium levabitur de grossa bestia et de parva ad usus et consuetudines quibus levantur recta pedagia in partibus illis ; et ad hoc pedagium levandum habebit jam dictus episcopus servientem suum proprium et Poncius Montis Lauri suum. Poncius autem et heredes sui dictas duas partes quas habebunt in dicto pedagio tenebunt in perpetuum ab episcopo Aniciensi et successoribus suis. Preterea Poncius Montis Lauri et heredes sui tenentur conducere et custodire mercatores transeuntes de la Ceoche usque ad Podium et ab Argenteria usque ad civitatem Aniciensem. Quicquid autem forefactum fuerit mercatoribus transeuntibus infra predictas metas, episcopus Aniciensis et Poncius Montis Lauri tenentur emendare, unusquisque pro parte sua. Dicto autem episcopo Aniciensi et successoribus suis licet firmare castrum suum de Carbonier, herbergare et augmentare pro voluntate sua. Et sciendum quod pax perpetua et firma facta est inter prefatum episcopum et Poncium Montis Lauri de omnibus controversiis et querelis hactenus inter eos habitis, salvis in omnibus aliis privilegiis que episcopus et ecclesia Aniciensis habent a domino papa et nobis et predecessoribus nostris, in quibus continetur quod nullus a Rodano usque ad Alignum, a Belest usque ad Montem Brisonis et a Sancto Albano usque ad Podium novas munitiones aut aliqua nova receptacula potest edificare sine nostra et Aniciensis episcopi permissione. Dictus autem Poncius dedit plegios et securitatem Archembaldo de Borbon pro nobis de quingentis marcis argenti de bono et fideli servicio nobis faciendo et de supradictis conventionibus tenendis firmiter, tali conditione quod si contra eas aliquatenus veniret, plegii sui tenerentur nobis vel mandato nostro reddere dictas quingentas marchas argenti infra quadraginta dies post submonitionem nostram ; et nos possemus assignare ad ea omnia que dictus Poncius de nobis tenet et ea tam diu tenere quousque esset nobis emendatum per judicium curie nostre. Similiter si de jure deficeret in curia episcopi Aniciensis, ipse posset assignare ad ea omnia que de ipso tenet et ea tam diu tenere quousque esset ei emendatum per judicium curie sue. Et sciendum quod dictus Poncius Montis Lauri fecit nobis homagium ligium contra omnes homines qui possunt vivere et mori, et tactis sacrosanctis juravit nobis bonum et fidele servicium faciendum de hiis castris, videlicet de Monte Boneto, de Myrmande juxta Montem Boneti, de Vabres, de Aygren, de Monte Auroso, de Chanbon ; et eadem castra tenetur nobis reddere ad magnam vim et ad parvam quocienscumque a nobis vel nostro certo mandato super hoc fuerit requisitus. Hec autem omnia dictus Poncius tactis sacrosanctis juravit coram nobis se bona fide et fideliter servaturum. Que omnia ut perpetue stabilitatis robur obtineant, presentem cartam sigilli nostri auctoritate et regii nominis karactere inferius annotato salvo jure nostro confirmamus. Actum Parisius, anno dominice Incarnationis M° CC° nono decimo, regni vero nostri quadragesimo primo, astantibus in palacio nostro quorum nomina supposita sunt et signa. Dapifero nullo. Signum Guidonis etc.