1220, de janvier au 28 mars. — Senlis.
Philippe Auguste confirme la charte par laquelle Hervé, seigneur de la Ferté-Nabert, et son frère Raoul vendent à l'église de Saint-Aignan d'Orléans, en janvier 1220, la redevance de foin qu'ils percevaient sur les hommes de la dite église demeurant sur la terre de Sologne. Dorénavant, Hervé tiendra en fief du roi, au lieu de cette redevance, ce qu'Eudes de Vennecy tenait de lui dans la châtellenie de la Ferté-Nabert.
A. Original, jadis scellé sur lacs de soie. Hauteur, 318 mm. ; largeur, 213 mm. Archives départementales du Loiret, G 105
Fac-similé : Photographie dans les archives de la Commission des chartes et diplômes, Académie des inscriptions et belles lettres.
Indiqué : Notes de Lancelot, Bibliothèque nationale de France, lat. 9852, fol. 149, d'après les archives de Saint-Aignan d'Orléans.
Texte établi d'après la photographie de A.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri nos vidisse cartam dilecti et fidelis nostri Hervei de Feritate Nerberti sub hac forma :
Ego Herveus dominus de Feritate Nerberti notum facio omnibus presentes litteras inspecturis quod ego et Radulfus frater meus vendidimus et in perpetuum quitavimus ecclesie beati Aniani Aurelianensis omnes trossas feni quas singulis annis habebamus vel habituri eramus super homines vel hospites jamdicte ecclesie manentes in terra de Sigalonia, ita quod de cetero occasione predictarum trossarum in nullis hominibus vel hospitibus predicte ecclesie vel etiam in masuris que modo sunt in terra de Sigalonia vel deinceps construentur nos vel successores nostri nichil poterimus reclamare. Hanc itaque venditionem Petronilla mater mea, magister Guillelmus, Guichardus, fratres mei, et Matildis soror mea laudaverunt, quitaverunt, concesserunt et fiduciaverunt bona fide tenendam. Et quia ego Herveus de domino rege tenebam ad feodum trossas venditas, in restitutionem dictarum trossarum de quibus feodum domini regis erat diminutum, tenebo amodo in feodum de domino rege quicquid Odo de Veneciaco miles tenebat de me in castellania Feritatis Nerberti, tam in feodis quam in dominiis, hospitibus et omnibus aliis, que omnia emi ab eodem Odone. Quod ut ratum et firmum esset in posterum, hoc ad petitionem Radulfi fratris mei annotari feci et sigilli mei munimine roborari. Actum anno Domini M° CC° nonodecimo, mense januario.
Ut autem venditio predicta perpetue stabilitatis robur obtineat, presentem cartam sigilli nostri auctoritate et regii nominis karactere inferius annotato salvo jure alieno confirmamus. Actum Silvanectis, anno dominice Incarnationis M° CC° nonodecimo, regni vero nostri quadragesimo primo, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Mathei constabularii.
Data vacante (Monogramme) cancellaria.