1220, juin. — Melun.
Philippe Auguste, conformément au désir de Guillaume, fils aîné de feu Guillaume maréchal d'Angleterre, reçoit l'hommage de Richard, frère du dit Guillaume, pour la terre que leur père avait possédée en Normandie. Si Richard meurt sans héritier, ce sera Guillaume qui tiendra cette terre du roi de France.
A. Original perdu.
B. Copie, formules abrégées, du xiiie s., Registre E de Philippe Auguste, fol. 219 v°.
C. Copie du xiiie s., Registre F de Philippe Auguste, fol. 176 v°, d'après B.
D. Copie du xviie s., Bibliothèque nationale, Collection Baluze, vol. 65, fol. 254, d'après B.
a. L. Delisle, Cartulaire normand, p. 44, n° 286, d'après B.
Philippus etc. omnibus etc. Noveritis quod nos, de donatione et voluntate Guillelmi primogeniti Guillelmi quondam Anglie marescalli, recepimus in hominem nostrum ligium contra omnes homines ad usus et consuetudines Normannie Ricardum fratrem dicti Guillelmi de tota terra quam Guillelmus quondam Anglie marescallus pater eorum habebat in Normannia die qua decessit, ita quod idem Ricardus super sacrosancta juravit quod nobis vel certo mandato nostro reddet omnes fortericias terre sue de Normannia ad magnam vim et ad parvam quociens super hoc a nobis vel certo mandato nostro fuerit requisitus. Et sciendum quod si idem Ricardus moreretur sine herede de uxore sua desponsata, nos reciperemus dictum Guillelmum fratrem ipsius Ricardi in hominem nostrum ligium contra omnes homines citra mare ad usus et consuetudines Normannie de terra quam Guillelmus quondam Anglie marescallus tenebat de nobis in Normannia die qua decessit, in eo statu et puncto in quo idem Guillelmus Marescallus homo noster exinde erat, ita tamen quod a rege Anglie tales litteras nobis deferat quales Guillelmus Marescallus nobis detulit a rege Anglie, idemque Guillelmus nobis redderet de terra illa releveium ad usus et consuetudines Normannie, et teneretur nobis jurare super sacrosancta quod nobis vel mandato nostro certo redderet omnes fortericias terre sue de Normannia ad magnam vim et parvam quociens super hoc fuerit a nobis vel certo mandato nostro requisitus. Actum Meleduni, anno Domini M° CC° XX°, mense junio.