1220, du 1er novembre, à février 1221.

Philippe Auguste afferme ses moulins de Crépy (-en-Valois) à la commune de cette ville moyennant une rente annuelle de cent cinquante muids de blé méteil.

Référence : Michel Nortier et Charles Samaran (éd.), Recueil des actes de Philippe Auguste roi de France. Vol. 4 : Années du règne 37 à 44 (1er novembre 1215 - 14 juillet 1223), Paris, 1979, no1672.

A. Original perdu.

B. Copie, formules abrégées, du xiiie s., Registre E de Philippe Auguste, fol. 113.

C. Copie du xiiie s., Registre F de Philippe Auguste, fol. 86, d'après B.

Philippus etc. Notum etc. quod nos molendina nostra de Crispiaco, videlicet Recroc, Comporte et Choisell.., concessimus communie Crispiaci censualiter in perpetuum possidenda et omnes molentes quos habebamus molte eorumdem molendinorum subjectos et usum herbarum quem molendinarii prius habebant. Si vero vivarium quod habemus ad prenotatum Choisellum venditum fuerit vel ruptum, quamdiu molendinum de Choisello causa illius venditionis vel ruptionis cessaverit per estimationem bonorum hominum predicte communie, dampnum restituemus. Preterea communie concedimus quod omnem meliorationem quam in eisdem molendinis per jus facere poterit faciat. Et si eadem molendina ad moltam sepedicte ville sufficere non possent, permittimus quod molendina ad ventum faciat ut ad moltam sufficiant ubicumque illa infra banleucam suam per jus facere poterit. Pro omnibus autem predictis sepedicta communia singulis annis nobis reddere tenetur centum et quinquaginta modios bladi medietanei ad mensuram Crispeii infra eandem villam duobus terminis, scilicet medietatem in Nativitate Domini et alteram medietatem in Ascensione Domini et sine granetagio. Quod si nos bladum illud ad dictos terminos recipere nollemus, ipsa communia nobis reddere teneretur in Purificatione Beate Marie post terminum Natalis precium bladi medietanei per legitimam appreciationem factam in primo mercato ante Natale infra villam Crispiaci. Et eodem modo fiet de altera medietate que debetur in termino Ascensionis, cujus precium nobis reddetur in sequenti Nativitate beati Johannis Baptiste. Omnes autem homines qui non sunt bannarii aliquorum molendinorum possunt molere ad predicta molendina si voluerint. Nos vero pro dicto censuali omnem justiciam molendinorum predictorum sepedicte communie concedimus in perpetuum possidendam, excepto mulctro, raptu et homicidio que nobis retinemus. Quod ut perpetuum etc. Actum etc., anno Domini M° CC° XX°, regni XLII°.