1220, décembre. — Compiègne.
Philippe Auguste atteste que Jean de Jante et Seinte sa femme ont vendu à Martin Fursy, bourgeois de Péronne, une rente de quarante cinq livres parisis sur le guionage de Péronne qu'ils tenaient de Mathieu de Buire qui a abandonné ses droits au roi.
A. Original scellé de cire verte sur lacs de soie rouge et verte. Hauteur, 307 mm. ; largeur, 228 mm. Archives nationales, J 232, Péronne II, n° 10.
B. Copie, formules abrégées, du xiiie s., Registre E de Philippe Auguste, fol. 245.
C. Copie du xiiie s., Registre F de Philippe Auguste, fol. 201, d'après B.
D. Vidimus du 25 septembre 1362 par le bailli de Péronne, Archives nationales, J 232, Péronne II, n° 22.
E et F. Copies du xve s., Registre B des Transcripta, Archives nationales, JJ G, fol. 25 d'après A, et fol. 30 d'après D.
a. A. Teulet, Layettes du Trésor des chartes, t. I, p. 515, n° 1441, d'après A (extraits).
Indiqué : Actes correspondants de Jean de Jante et de Mathieu de Buire, frère de Seinte, de décembre 1220 et de janvier 1221, originaux aux Archives nationales, J 232, Péronne II, nos 5, 6 et 8 et 2 et 7 (cf. A. Teulet, ouvrage cité, t. I, p. 509 et 510, nos 1428, 1429, 1431 et 1432).
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod Johannes de Janta et Seinta uxor ejus vendiderunt in perpetuum Martino Fursei, burgensi nostro Peronensi, quadraginta quinque libras parisiensium de redditu quas habebant in guionagio nostro Peronensi. Matheus autem de Buris, de quo dictus Johannes dictas quadraginta quinque libras tenebat in feodum, reliquit et dimisit omnino dictas quadraginta quinque libras in manu nostra, nichil juris in eis sibi retinens. Nos vero dictas quadraginta quinque libras dedimus et concessimus dicto Martino et heredibus suis tenendas in perpetuum de nobis et heredibus nostris in feodum, reddendo servitia que feodum illud debere dinoscitur, et ad petitionem dictorum Johannis de Janta et Seinte uxoris sue et Mathei memorati de Buris recepimus eundem Martinum in hominem de dictis quadraginta quinque libris que singulis annis in festo Omnium Sanctorum debent percipi in guionagio Peronensi. Quod ut perpetue stabilitatis robur obtineat, presentem paginam sigilli nostri auctoritate et regii nominis karactere inferius annotato salvo jure nostro confirmamus. Actum Compendii, anno dominice Incarnationis M° CC° vicesimo, regni vero nostri quadragesimo secundo, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Mathei constabularii.
Data vacante (Monogramme) cancellaria.