1186, du 13 avril au 31 octobre. — Bourges.
Philippe Auguste confirme les privilèges de l'abbaye de Figeac.
A. Original perdu.
B. Copie du temps de Philippe le Bel, Archives nationales, J 342, Figeac, n° 8, 2e pièce datée par erreur de 1286.
C. Copie du xve s. d'après un vidimus de Louis XI (juin 1463), contenant un autre vidimus de Charles VII (avril 1443 n. st.), renfermant un troisième vidimus de Philippe le Bel (avril 1302), reproduisant lui-même un vidimus donné par saint Louis en juin 1257, sans doute d'après l'original, Archives nationales, JJ 199, fol. 208, n° 345.
D. Copie par Besly, Bibliothèque nationale, Collection Dupuy, vol. 823, fol. 121, d'après B.
a. Ordonnances, t. XVI, p. 21, d'après C et le Mémorial M de la Chambres des Comptes, fol. 283.
b. Teulet, Layettes du Trésor des Chartes, t. I, n° 341, d'après B.
Texte établi d'après BC.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quoniam ecclesie Figiaci privilegia que reges Francie predecessores nostri juste ac racionabiliter eidem indulserunt, salvo jure nostro concedimus preterea quod jus quod et confirmamus, annuentes pariter ne quis de feodis seu aliis possessionibus ecclesie illius ante alium quam abbatem litigare presumat, ne quis etiam infra metas possessionum ecclesie oppida seu municipia seu habitaciones alias sive domos religiosas, sine voluntate abbatis et capituli, edificare valeat. Ad hoc addimus et precipimus ut abbas memorate ecclesie super homines sibi subditos plenariam jurisdictionem habeat et potestatem, et quod super causis in presencia sua tanquam de jure discussionem habentibus, prout ordo judiciarius exegerit, sentenciam secundum jura legalia vel decretalia ferat, nullusque a sententia quam abbas in illis causis pronunciaverit super temporalibus rebus, nisi ad nos vel ad successores nostros reges Francie, appellare presumat. Concedimus preterea jus quod in prefata habemus ecclesia, et ea que ipsi contulimus nemini donabimus. Que omnia sicut predicta sunt salvo jure nostro concedentes, ut firmam et inconcussam obtineant firmitatem, presentem cartam sigilli nostri auctoritate et regii nominis caractere inferius annotato communimus. Actum Bituris, anno ab incarnatione Domini millesimo centesimo octuagesimo sexto, regni nostri anno septimo, astantibus in palacio nostro quorum nomina supposita sunt et signa. Signum comitis Theobaldi, dapiferi nostri. Signum Guidonis buticularii. Signum Mathei camerarii. Signum Radulphi constabularii. Data vacante (Monogramme) cancellaria.