1221, mars. — Mantes.
Philippe Auguste confirme la charte par laquelle Bouchard de Marly afferme à la commune de Meulan, moyennant 140 livres de rente, sa terre de Meulan avec tous ses droits. Mais il se réserve les cas de rapt et de meurtre.
A. Original perdu.
B. Copie du xiiie s., Registre E de Philippe Auguste, fol. 114.
C. Copie du xiiie s., Registre F de Philippe Auguste, fol. 87, d'après B.
D. Copie du xviiie s., Bibliothèque nationale, Collection du Vexin, vol. 9, p. 122, d'après b.
E. Copie du xviiie s., Bibliothèque nationale, Collection du Vexin, vol. 14, fol. 108, d'après Bb.
a. É. Baluze, Miscellaneorum liber septimus, p. 340, d'après B.
b. Ordonnances des rois de France, t. XII, p. 296, d'après B.
Indiqué : Archives nationales, P 29002, fol. 17.
Carta communie Mellenti et Bochardi de Malliaco.
Philippus etc. Noverint universi nos audivisse litteras dilecti et fidelis nostri Bochardi de Malliaco sub hac forma :
Ego Bochardus de Malliaco notum facio universis tam presentibus quam futuris quod cum homines communie Mellenti haberent ad perpetuam firmam totam terram meam Mellenti cum omnibus redditibus et exitibus qui ex ea proveniebant, in furnis, pressoriis et censu, excepta justitia mea illius terre, pro centum libris michi et heredibus meis annuatim reddendis, dicte communie homines superaddiderunt firme predicte XL libras redditus, ita quod in terra predicta et aliis prescriptis non retinerem michi et heredibus meis nisi raptum tantummodo et multrum. Ego autem, de assensu matris mee et Mathei fratris mei, dedi communie Mellenti in perpetuam firmam totam terram meam Mellenti cum omnibus redditibus et exitibus qui inde proveniunt vel provenient, in furnis, pressoriis et in censu, sicut ipsius communie homines ea noscuntur habuisse, et cum omni justitia mea illius terre, exceptis tantummodo raptu et multro, pro CXL libris parisiensium michi et heredibus meis annuatim reddendis, per ternos menses triginta quinque libris, in capella beate Marie Mellenti, certo videlicet nuntio meo et heredum meorum quem ego et heredes mei tenemur ibi tunc propter hoc destinare, ita quod prime XXXV libre in kalendis martii reddantur annuatim et sic deinceps. Et sciendum quod si communia Mellenti dicte pecunie summam non redderet terminis constitutis, pro singulis diebus quibus solvere differret post terminos constitutos domino regi redderet quinque solidos pro emenda, et michi et heredibus meis quinque solidos pro emenda. Ego vero habebo si voluero apud Mellentum servientem meum proprium, qui non erit de communia, ad custodiendum justiciam meam raptus et multri. Nec potero trahere homines communie Mellenti extra castrum Mellenti pro exercitu neque pro equitatione neque pro placito neque pro aliqua causa, sed intra villam Mellenti convincentur et judicabuntur raptus et multra terre predicte, et post fiet justitia raptuum et multrorum ubi voluero. Hec omnia concessi salvis feodis meis et salvo jure communie. Preterea quandocumque mutabuntur major et pares communie Mellenti, jurabunt michi et heredibus [meis] se servaturos conventionem predictam et jus meum de raptu et multro, et similiter quando mutabuntur heredes mei, tenebuntur communie Mellenti facere juramentum quod servabunt communiam et conventiones presentibus litteris expressas. Et [sciendum quod] si quid tenementorum de terra predicta moventium daretur alicui in elemosinam, oporteret illud vendi et poni extra manum mortuam infra unum annum et diem. Quod si non fieret, ego et heredes mei possemus sine meffacere assignare ad tenementum elemosinatum et illud tenere, faciendo hominibus communie Mellenti redeventiam que pro illo tenemento prius fiebat eisdem. In cujus rei memoriam et confirmationem perpetuam, ego et Matheus frater meus presentem paginam sigillis nostris fecimus communiri et rogamus karissimum dominum nostrum Philippum regem Francorum illustrem ut conventiones prescriptas sigilli sui auctoritate confirmet. Actum Medonte, anno Domini M° CC° vicesimo, mense marcio.
Nos igitur, ut conventiones prescripte perpetue stabilitatis robur obtineant, ad petitionem partium presentem paginam sigilli nostri auctoritate et regii nominis karactere inferius annotato, salvo jure nostro, confirmamus. Actum Medonte, anno dominice Incarnationis M° CC° vicesimo, regni vero nostri XLII°, mense marcio.