1221, mars. — Mantes.
Philippe Auguste confirme la charte par laquelle Josselin, maire, et les pairs de la commune de Meulan s'engagent vis-à-vis de Bouchard de Marly à tenir moyennant 140 livres de rente sa terre de Meulan.
A. Original perdu, scellé « en lac de soie et cire vert », selon B.
B. Vidimus du 30 avril 1365 sous le sceau de la prévôté de Paris. Archives nationales, P 19161, n° 32055, d'après A.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri nos litteras Joscelini, majoris, et parum communie Mellenti inspexisse sub hac forma :
Omnibus presentes litteras inspecturis, ego Joscelinus, major, et pares communie Mellenti notum facimus quod cum nos haberemus ad perpetuam firmam totam terram domini Borchardi de Marliaco quam habebat apud Mellent cum omnibus redditibus et exitibis (sic) que ex ea proveniebant, in furnis, pressoriis et censu, excepta justitia sua illius terre, pro centum libris ipsi et heredibus suis annuatim reddendis, nos super addidimus firme predicte quadraginta libras redditus, ita quod in terra predicta et aliis prescriptis non retineret sibi et heredibus suis nisi raptum tantummodo et mulctrum. Ipse vero de assensu matris sue et Mathei fratris sui dedit nobis in perpetuam firmam totam terram suam Mellenti cum omnibus redditibus et exitibus qui inde proveniunt vel provenient, in furnis, pressoriis et in censu sicut ea noscuntur habuisse, et cum omni justitia sua illius terre, exceptis tantummodo raptu et mulctro, pro centum et quadraginta libris parisiensium sibi et heredibus suis annuatim reddendis, per ternos menses triginta quinque libris, in capella beate Marie Mellenti, certo videlicet nuncio dicti Bochardi et heredum suorum quem ipse et heredes suis tenentur ibi tunc propter hoc destinare, ita quod prime triginta quinque libre in kalendis martii reddentur annuatim et sic deinceps. Et sciendum quod si nos dictam peccunie summam non redderemus terminis constitutis, pro singulis diebus quibus solvere differremus post terminos constitutos domino regi redderemus quinque solidos pro emenda, et Bochardo et heredibus ejus quinque solidos pro emenda. Isdem vero Bochardus habebit si voluerit apud Mellentum servientem suum proprium qui non erit de communia, ad custodiendum justiciam suam raptus et mulctri. Nec poterit trahere nos nec hominem communie nostre exitra (sic) castrum Mellenti pro exercitu neque pro equitacione neque pro placito neque pro aliqua causa, set (sic) inter (sic) villam Mellenti convincentur et judicabuntur raptus et mulctra terre predicte, et post fiet justitia raptuum et mulctrorum ubi ipse voluerit. Hec omnia concessit dominus Bochardus salvis feodis suis et salvo jure communie nostre. Preterea quandocunque mutabuntur major et pares communie nostre, jurabunt ipsi et heredibus ejus se servaturos convencionem istam et jus suum (sic) de raptu et mulctro, et similiter quando mutabuntur heredes dicti Bochardi, tenebuntur communie nostre facere juramentum quod servabuntur (sic) communiam et convenciones presentibus litteris expressas. Et sciendum quod si quid tenementorum de terra predicta movencium daretur alicui in elemosinam, oportet illud vendi et poni extra manum mortuam infra unum annum et diem. Quod si non fieret, idem Bochardus et heredes sui possent sine meffacere assignare ad tenementum elemosinatum et illud tenere, faciendo nobis et communie nostre redevanciem (sic) que pro illo tenemento prius fiebat communie nostre. In cujus rei memoriam et confirmationem perpetuam, idem Bochardus et Matheus frater ejus (sic) rogaverunt karissimum dominum nostrum Philippum illustrem regem Francorum, et nos cum eis, ut convenciones prescriptas sigilli sui auttoritate confirmaret. Nos etiam presentem paginam sigillo communie nostre fecimus communiri. Actum Medonte, anno Domini millesimo ducentesimo vicesimo, mense martis.
Nos igitur, ut convenciones prescripte perpetue stabilitatis robur obtineant, ad peticionem partium presentem paginam sigilli nostri auttoritate et regii nominis karactere inferius annotato, salvo jure nostro, confirmamus. Actum Medonte, anno dominice Incarnationis millesimo ducentesimo vicesimo, regni vero nostri quadragesimo secundo, mense marcio, astantibus in palacio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Mathei constabularii. Data vacante cancellaria.