1180, du 19 septembre au 31 octobre.

Philippe Auguste affranchit de toutes tailles ou coutumes un juif converti, nommé Philippe.

Référence : Henri-François Delaborde et Elie Berger (éd.), Recueil des actes de Philippe Auguste roi de France. Vol. 1 : Années du règne 1 à 15 (1er novembre 1179 - 31 octobre 1194), Paris, 1916, no16.

A. Original brûlé par accident en 1301.

B. Vidimus donné par Philippe le Bel, en août 1301, d'après un vidimus du prévôt de Paris, Archives nationales, JJ 38, n° IIIIxxII.

C. Extrait, Bibliothèque nationale, français 7286, fol. 23.

In nomine sancte et individue Trinitatis. Philippus Dei gratia Francorum rex. Quoniam boni emulatores ex commonicione apostolica nos esse oportet ut ad legem Christianam provocemus pertinaces, ipsos qui convertuntur de judaismo temporalibus beneficiis dignum est confovere. Sciant itaque universi presentes pariter et futuri quod, repudiato Judeorum errore pravo, Philippus Christi jugum suave suscepit; pro cujus amore et honore ipsi, ex regia lenitate, concedimus ut ipse et universi heredes ejus liberi sint a tolta et tallia, ab exactione et expeditione et omnibus consuetudinibus et ut nichil pro preposito faciat vel pro aliquo serviente, sed tantummodo pro corpore nostro et pro aliqua persona ex mandato nostro designata. Et quod ut imposterum ratum et inviolabile permaneat, sigilli nostri auctoritate et regii nominis caractere inferius annotato presentem paginam communiri precepimus. Actum anno incarnationis Domini M° C° octogesimo, regni nostri anno primo, astantibus in palatio nostro quorum nomina supposita sunt et signa. Signum comitis Theobaldi, dapiferi nostri. Signum Guidonis buticularii. Signum Mathei camerarii. Signum Radulphi constabularii. Data per manum Hugonis cancellarii.