1221, du 11 avril au 31 octobre. — Montargis.
Philippe Auguste confirme l'accord conclu entre le doyen et le chapitre de Saint-Aignan d'Orléans et Baudouin maire de Tillay, aux termes duquel ce dernier abandonne au doyen et au chapitre dix livres de rente à Tillay et reçoit en compensation divers biens qu'il tiendra d'eux en fief.
A. Original perdu, peut-être conservé aux Archives du Loiret avant leur destruction en 1940 dans la liasse G 1439, « Prévôté de Teillay ».
a. R. Hubert, Antiquitez historiques de l'église royale Saint-Aignan d'Orléans, Preuves, p. 110 (Cf. p. 185).
Indiqué : « Inventaire des titres de l'église royale de St Aignan d'Orléans », rédigé en 1766, t. I, Bibliothèque nationale, ms. franç. 11994, p. 649-651, avec cette référence : « armoire 3, caisse 37, cotte 2de, n° 3 ».
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod contentio que verteretur inter decanum et capitulum Sancti Aniani Aurelianensis ex una parte et Balduinum majorem de Thilliaco et filios et filias ejus ex altera coram nobis terminata est in hunc modum, videlicet quod predictus Balduinus major et filii et filie ejus (sic) dederunt in pe[r]petuum predictis decano et capitulo Sancti Aniani Aurelianensis decem libratas re[d]ditus de eo quod habebant in parrochia de Thilliaco, et totum residuum quod habebant in predicta parrochia, tam in nemore quam in plano et in omnibus aliis rebus, et majoriam et omnia pertinentia ad majoriam et ex toto in perpetuum quittaverunt, et de his omnibus in manum nostram se devestierunt, et nos exinde dictos decanum et capitulum Sancti Aniani investivimus. Decanus autem et capitulum in recompensationem predicti residui prefatis Balduino majori et heredibus ejus dederunt et quittaverunt quicquid habebant apud Domiciacum, exceptis decima et hostisiis de Effrans et de La Provenchere et terris hospitum. Dederunt etiam eisdem decanus et capitulum apud Obscuras, apud Livers, apud La Charrie et apud Sanctum Joannem 13. libras et 9. denarios et cum 25. arpentis terre in dominio et 57. arpentis ad campipartem in eodem territorio que sunt appreciata 57. solidos et 4. denarios, et 15. solidos census ad La Charrie et circa Ulmum Sancti Aniani, quorum expleta et eschaete sunt appreciata 5. solidos. Et sciendum [est] quod dicti censuales non relevabunt pro mutatione dominorum suorum. Major vero et heredes sui habebunt undecim modios bladi in granario Sancti Aniani ad mensuram bichotorum in festo sancti Andree reddendos, medietatem hibernagii, medietatem avene. Supradicta autem omnia que dicti decanus et capitulum donant in excambium majori et heredibus ejus, tenebunt major et heredes sui a decano et capitulo in liberum feodum per servitium unius roncini ad usus et consuetudines patrie. Et sic dictus Balduinus major et filii et filie sue et heredes eorum remanent quieti et liberi in perpetuum de homagio corporis quod decanus et capitulum exigebant ab eis. Nosque, predictas conventiones et concessiones gratas habentes et ratas, ipsas ad petitionem partium presenti insertas pagina, sigilli nostri auctoritate et regii nominis karactere inferius annotato salvo jure nostro in omnibus confirmavimus. Actum ad Montem Argi, anno incarnati Verbi 1221, regni vero nostri 42., astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Mathei constabularii.
Data vacante (Monogramme) cancellaria.