1221, mai. — Melun.
Philippe Auguste donne à Hugues de Béthisy seize arpents de bois dans les touches de Lumenout, moyennant cinq sous de cens payables à la saint Remi.
A. Original perdu.
Ancienne traduction française, copie de 1240 environ, rouleau relatif aux droits d'usage en la forêt de Retz, Archives nationales, K 28A, n° 3, 9e charte de le 3e peau.
Texte de cette traduction :
Ce sunt les lestres que li rois Felippes donna a Huon de Besthisi : XVI arpens de bos en touchies de Lumenout parmi V s. de cens a la feste saint Remi a paier au roi ou a son coumendement.
Felippes par la grace de Dieu rois de France. Sachent touz ceus qui sont ensamble et qui avenir sunt que nous avons donne et otroie a nostre loial ami Huon de Besthisi XVI arpenz de nostre bos en tonchies de Lumenout a touz jours a avoir et a tenir d'icelui Huon et de ses oirs a cens de V s. a nous et a nos oirs a rendre chacun an a la feste saint Remi, ainsinc que cil Hues ou ses oirs en ces XVI arpenz pourront faire garenne et si en pourront faire leur volente, fors que vile edefier ou hostes herbergier. Et sachiez que cil Hues ou li oirs d'icelui Hues ne pourront vendre le bos devant dit qui est sur terre se ce n'est par nostre licence ou par le congie de nos acheteeurs. Et pour ce que totes ces choses devant dites soient fermes et estables, nous commandames que ces presentes lestres fussent seelees de nostre seel sauf nostre droit. Ce fu fait a Meleun, l'an de l'Incarnation nostre seigneur mil et iicc et xxi, ou mois de may.