1186, du 13 avril au 31 octobre. — Choisy-au-Bac.
Philippe Auguste confirme aux chanoines de Braisne les revenus et les cens que Raoul Bigot, du consentement de son seigneur Jean d'Ailly, leur avait donnés à Aiguisy, Jaux, Pieumelles et Jonquières.
A. Original perdu.
B. Copie du xiiie s., Cartulaire de Saint-Yved de Braine, Archives nationales, LL 1583, p. 184.
C. Copie faite pour Gaignières, Bibliothèque nationale, latin 5479, p. 102, d'après B.
D. Extrait par le P. Machaut, Bibliothèque nationale, Collection Clairambault, vol. 561, p. 415.
a. O. Guyotjeannin, Le chartrier de l'abbaye prémontrée de Saint-Yved de Braine, Paris, 2000, p. 281, n° 139.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quoniam Radulfus Bigotus canonicis Brane in elemosinam dedit tres modios bladi ad mensuram Parisiensem, quos habebat de redditu apud Aguisiacum et Geaus et Pimellas, et decem solidos de censu apud Geaus et Juncherias. Johannes autem de Alliaco, de cujus feodo res erat et idem Johannes de nobis eam tenebat, istud benigne laudavit et concessit. Nos vero, intuitu Dei et ob remedium anime nostre et patris nostri bone memorie regis Ludovici et predecessorum nostrorum, et ad preces comitis Roberti, patrui nostri, predicte elemosine manum regiam apponentes, eam benigne concessimus et, ut perpetuam obtineat stabilitatem, presentem paginam sigilli nostri auctoritate ac regii nominis karactere inferius annotato precepimus confirmari. Actum Chausiaci, anno incarnati Verbi M C LXXXVI, regni nostri anno VII°, astantibus in palatio nostro quorum nomina supposita sunt et signa. Signum comitis Theobaldi, dapiferi nostri. Signum Guidonis buticularii. Signum Mathei camerarii. Signum Radulfi constabularii.
Data vacante (Monogramme) cancellaria.