1221, de juin au 31 octobre. — Paris.
Philippe Auguste confirme une charte de juin 1221 par laquelle Amicie dame de Breteuil, en faveur de son fils Guillaume du Donjon frère de l'Hôpital, donne aux Hospitaliers de Senlis une rente de cent livres sur le péage de Francastel, ou, en cas d'insuffisance de ce dernier, sur celui de Catheux pour le reste de la somme.
A. Original jadis scellé sur lacs de soie. Hauteur, 300 mm. ; largeur, 240 mm. Archives nationales, MM 894 (jadis 1092), n° 49.
B. Copie du xive s., même recueil, n° 50.
a. J. Delaville Le Roulx, Cartulaire général de l'ordre des Hospitaliers de Saint-Jean de Jérusalem, t. II, p. 292, n° 1727, d'après A.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri nos dilecte et fidelis nostre consanguinee Amicie, domine Britolii, inspexisse litteras in hec verba :
Ego Amicia, domina Britolii, notum facio universis presentes litteras inspecturis quod ego, amore Dei et ob reverenciam reverendi patris Guarini, Silvanectensis episcopi, et ob gratiam filii mei karissimi Guillermi de Donjonne, fratris et militis Hospitalis Ierosolimitani, dedi et concessi, pro remedio anime mee, domui ejusdem Hospitalis que est Silvanectis centum libras redditus in pedagio meo de Franccastel, singulis annis post meum obitum a fratribus dicte domus tribus percipiendas terminis, scilicet in Nativitate sancti Johannis Baptiste terciam partem, in festo Omnium Sanctorum sequenti aliam terciam partem, in festo Pasche subsequenti ultimam terciam partem, ita quod, si forte redditus dicti pedagii ad ejusdem redditus solutionem non sufficeret, residuum in meo pedagio de Catou caperetur. Si vero heredes mei dicte domui Silvanectensi illas centum libras redditus in decimis tantumdem valentibus in feodo domini de Britolio existentibus assiderent, fratres dicte domus assignationem illam recipere tenerentur, et tunc dicti pedagii redditum resignare. In cujus rei et concessionis mee perpetuum testimonium, presentem cartam fieri feci et sigilli mei appositione muniri. Actum anno Domini M° CC° vicesimo primo, mense junio.
Nos igitur, de quorum feodo res movet, donationem prescriptam gratam et ratam habentes, et commutationem illius redditus in decimas, si fiat aliquando, concedentes, eandem prefate domui Silvanectensi, ad petitionem ipsius Amicie, sigilli nostri auctoritate et regii nominis karactere annotato inferius, salvo jure nostro, confirmamus. Actum Parisius, anno dominice Incarnationis M° CC° vicesimo primo, regni vero nostri quadragesimo secundo, astantibus in palacio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Mathei constabularii.
Data vacante (Monogramme) cancellaria.