1221, août. — [Melun ?].
Philippe Auguste confirme la vente faite par Guillaume de Silly à Pierre Tristan, son chambellan, des droits de justice qu'il avait dans le fief de La Ferté-Milon entre l'Ourcq et la Savières, et de quatre arpents de pré autour du moulin Le Comte.
A. Original perdu.
Ancienne traduction française, copie de 1240 environ, Rouleau relatif aux droits d'usage en la forêt de Retz, Archives nationales, K 28, n° 3, 2e charte de la 3e peau.
C'est la chartre Pierre Tristan dou fie de la Frete et de iiij arpenz de prez qu'il acheta à Guill. de Silli qui sont entour le moulin le conte.
Felippes par la grace de Dieu rois de France. Sachent touz cil qui sont present ensamble et qui sont a venir que Guill[elmes] de Silli a vendu a Pierre Tristan nostre chamberlanc dou fie de la Ferte toute la joustice qu'il avoit entre Ourc et Saverie si comme tant comme en bos et en plains que et (sic) viles et en touz les leus, et tout le droit que il avoit es preuz des bois, fors que la haute justice est exceptee dou cors dou moulin de Troine que cil Guill[elmes] retient a son weus. Et si a vendut cil Guill[elmes] encores a celui Pierre entour iiij arpenz de pre que il avoit entour le moulin le conte. Et nous avons otroie a icelui Pierre que toutes ces choses il tiengne de nous avec son autre fie. Et pour ce que ce soit fermetez a touz jours, nous avons fait seeler ceste chartre de nostre seel. Ce fut fait à Miauz, l'an de l'Incarnation nostre Seigneur mil et ijcc et xxi, ou mois d'aoust.